QR Prezidenti Qasym-Jomart Toqaev ekologiiasy nashar qalalardy balamaly energiia kózderine kóshirý jospary týraly pikir bildirdi, dep habarlaidy QazAqparat.
«2025 jylǵa qarai neǵurlym lastanǵan 10 qala gazdandyrylyp, balamaly energiia kózderine aýystyrylatyn bolady. Qazaqstannyń jańartylatyn jáne balamaly energetikany damytý úshin zor áleýeti bar. Bizdiń boljamdarymyzǵa sáikes, 2030 jylǵa qarai energiia teńgerimindegi JEK úlesi kem degende 15% - dy quraýy tiis», - dedi Qasym-Jomart Toqaev «Parij kelisiminiń maqsattaryna qol jetkizý joldary jáne Qazaqstannyń kómirtegi beitaraptylyǵy» atty halyqaralyq konferentsiiada.
Sondai-aq, Prezident osy baǵytta qabyldanyp jatqan sharalarǵa toqtaldy.
«Ol úshin biz normativtik ortany jetildiremiz, barynsha tartymdy jaǵdailar jasaimyz. Bizdiń strategiialyq halyqaralyq áriptesterimizben birqatar jobalarǵa belgili bir úmit artamyz. Qazaqstan jasyl qarjylandyrýǵa kóp kóńil bóledi – Astana halyqaralyq qarjy ortalyǵynyń bazasynda «jasyl qarjy ortalyǵy» jumys isteidi» - degen Memleket basshysy qazaqstandyq «Damý» institýty BUU Damý baǵdarlamasymen birlesip «jasyl obligatsiialardy» birjaǵa sátti shyǵarǵanyn eske saldy.
«Biyl Qazaqstan qor birjasynda Qazaqstandaǵy balamaly energetika nysandaryn qarjylandyrý úshin Aziia damý bankiniń jasyl obligatsiialarynyń 2 ónimi shyǵaryld», - dep túiindedi Prezident.
