2024 jylǵa qarai pedagogterdiń jalaqysy 2 esege artady. Bul týraly búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Pedagog mártebesi týraly» Zańnyń aiasynda pedagogterdiń eńbek jaǵdaiy jaqsartylýda. Pedagogterge tán emes fýnktsiialardy jáne kózdelmegen esepterge tartýdan bosatý sharalary qabyldandy. Pedagogter búginde tek 2 qujat toltyrýy kerek: elektrondyq jýrnal jáne oqý jospary. Sonymen qatar barlyq oblysta pedagogterdiń quqyqtaryn qorǵaý jónindegi keńester ashamyz. 2024 jylǵa qarai pedagogterdiń jalaqysy 2 ese artady», - dedi ol.
Ministrdiń paiymynsha, osynyń barlyǵy mektepterdi kadrlarmen tolyq jabdyqtaýǵa múmkindik beredi.
«Taǵy bir mańyzdy másele, pedagogterdi jumysqa qabyldaý endi konkýrs arqyly, naqty biliktilik kórsetkishterge sáikes júrgiziledi jáne elektrondyq formatqa aýystyrylady. Oǵan qosa 2021 jyldan bastap pedagogikalyq mamandyq boiynsha jumysqa alǵash ret turý úshin endi úmitkerler kásibi sheberligi boiynsha sertifikattaýdan ótedi. Iaǵni diplomǵa qosa tiisti kvalifikatsiia alý mindetti engiziledi. Sonymen qatar biz pedkadrlardy daiarlaý deńgeiin arttyrý maqsatynda joǵary oqý oryndaryna qabyldaý talaptaryn da kúsheittik»,- dedi Ashat Aimaǵambetov.
Onyń aitýynsha, pedagogikalyq mamandyqqa myqty túlekterdi ǵana qabyldaý úshin UBT-nyń shekti bally 50-den 75 balǵa deiin kóterildi. Al, osy mamandyqqa túsýdi yntalandyrý úshin bolashaq pedagogterge stipendiia mólsheri 42 myń teńgege deiin artty. Iaǵni olar eń úlken stipendiiany alyp otyr.
«Bul - Prezidenttiń tikelei tapsyrmasy. Osynyń bári oń nátije berýde. Pedagog mamandyǵyn tańdaǵan «Altyn belgi» iegerleriniń qatary eki esege jýyq ulǵaiýda, al osy mamandyqqa túskenderdiń ortasha baly 60 baldan 90 balǵa deiin jetken. Bul muǵalim mamandyǵyna myqty kadrlardyń kelýin qamtamasyz etý boiynsha jaqsy kórsetkish. Bul óz kezeginde bilim berý sapasyn arttyratyny sózsiz. Osy reformanyń oń nátijesi qazirdiń ózinde anyq kórinedi dep tolyǵymen aitýǵa bolady», - dedi ministr.
