Foto: Baýyrjan Jýasbaev / assembly.kz
Qazirgi etnosaralyq ahýaldy jáne Memleket basshysynyń eldiń azamattyq birligin, jalpyulttyq biregeiligi men etnoáleýmettik tutastyǵyn nyǵaitý jónindegi alǵa qoiǵan mindetterin eskere otyryp, 2023 jyly Mádeniet jáne aqparat ministrligi etnosaralyq qatynastardy damytý salasynda tiimdi jumystar júrgizdi.
Jumystyń negizgi baǵyttarynyń biri – etnosaralyq kelisimdi qamtamasyz etý jáne etnosaralyq kommýnikatsiiany damytý boldy.
Qazaqstan halqy Assambleiasyn damytýdyń 2022-2026 jyldarǵa arnalǵan Tujyrymdamasyn iske asyrý sheńberinde 500 myń adamnyń qatysýymen 8 myńnan astam is-shara uiymdastyryldy.
Is-sharanyń maqsaty – qoǵamdyq kelisim men jalpyulttyq birlikti nyǵaitý, etnostardy integratsiialaý men memlekettik tildi etnosaralyq qarym-qatynas tili retinde ilgeriletý.
Memleket basshysynyń tapsyrmasy boiynsha QHA janynan Aqsaqaldar keńesi quryldy. Odan bólek, 1100-ge jýyq óńirlik keńester qoǵamdyq kelisim qundylyqtaryn qalyptastyrý baǵytynda jumysty júielegen. 128 myń adamdy qamtityn 4 myńnan astam is-shara ótken.
Biylǵy jyly azamattyq qundylyqtardy qalyptastyrýǵa jáne ult birligin qamtamasyz etýge erekshe kóńil bólindi.
Ult damýy protsesiniń aǵymdaǵy jai-kúii saraptala kele, taldamalyq baiandama daiyndaldy, Ult birligi men qoǵamdyq kelisimdi nyǵaitýǵa úles qosqan birqatar azamattarǵa «El Birligi» ordeni tabystaldy.
Ministrlik jumysynyń mańyzdy aspektisi azamattardyń quqyqtaryn qamtamasyz etý, etnosaralyq kemsitýshilik pen ksenofobiiaǵa jol bermeý, etnosaralyq intsidentter men qaqtyǵystardyń aldyn alýǵa baǵyttalyp otyr.
Eldiń azamattyq birligin, jalpyulttyq biregeiligi men etnoáleýmettik tutastyǵyn nyǵaitý Qazaqstannyń turaqty damýy úshin mańyzdy faktor bolyp qala beredi.
