2023 jyly OneWeb, SpaceX jáne SES kompaniialary Qazaqstan naryǵyna spýtnik internetin ákelýge múmkindik alady, dep habarlaidy QazAqparat.
Bul jaiynda QR Tsifrlyq damý, innovatsiialar jəne aeroǵarysh ónerkəsibi ministri Baǵdat Mýsin Májilistiń baspasóz alańynda BAQ ókilderiniń saýaldaryna bergen jaýabynda málim etti.
«El arasynda «Ilon Masktiń interneti» dep atalatyn spýtnik interneti nege qazaqstandyqtarǵa áli qoljetimsiz?» dep surady jýrnalister.
Ministrdiń aitýynsha, ol úshin áýeli Salyq kodeksine tiisti ózgeris engizý qajet.
«Muny biz tómen orbitaly spýtnik toptary dep ataimyz. Osy tehnologiiaǵa qarjy quiyp otyrǵan birneshe kompaniia bar. Sonyń biri – OneWeb kompaniiasy. Bul uiymmen pilottyq jobany pysyqtap jatyrmyz. Siz «Ilon Masktiń interneti» dep otyrǵan SpaceX kompaniiasynyń Starlink jobasy da bar. Sondai-aq, SES degen Liýksembýrg kompaniiasy osy tehnologiia boiynsha internet usyna alady. Osy siiaqty basqa da kompaniialar bar. Olar da bul naryqqa kirgisi keledi. Bul máselede biz monopoliiadan aýlaq bolǵymyz keledi. Iaǵni, Qazaqstannyń naryǵyn birneshe operatorǵa ashamyz. Qazir nege infraqurylymyn salmaidy degenge kelsek, qyzmettiń mundai túri úshin salyq mólsherlemesi óte joǵary. Óitkeni burnaǵy jyldary Salyq kodeksinde radiojiilikterdiń salyq mólsherlemesin bekitý kezinde mundai tehnologiialardyń keletini eskerilmegen bolatyn. Sondyqtan normany depýtattar qoldasa, biyl ony qabyldaimyz», - dedi Baǵdat Mýsin.
Aitýynsha, qazir atalǵan 3 operator normanyń qabyldanýyn kútip otyrǵan kórinedi.
«Salyq kodeksine tiisti ózgeristi engizsek, kelesi jyldan bastap bul operatorlar naryǵymyzǵa kirip, Qazaqstannyń 4 núktesinde infraqurylym ornata bastaidy. Olar bizdiń eldiń aýmaǵynda jumys isteýi úshin jer ústinde infraqurylym ornatylýy kerek. Biraq bul búkil elge optika tartylady degen sóz emes. Tórt bazalyq núkte bolady. Solar spýtnikten internet taratady», - dep túsindirdi vedomstvo basshysy.
Sondai-aq, Baǵdat Mýsin buǵan deiin mundai tehnologiianyń ónimine salyq mólsherlemesi belgilenbegenin aitty.
Eger ol mólsherleme naqty bekitilmese, atalǵan sheteldik kompaniialar naryqqa kelmeýi múmkin.
«Biz salyq mólsherlemesin engizbesek, olar kelmeidi, kelgen kúnniń ózinde salyq tólemeidi. Sondyqtan biznestiń jańa túri salyq ákelip, halyqqa qyzmet kórsetýi úshin jaǵdai jasaimyz. Atalǵan úsh operatordyń ekeýi testileý rejiminen ótti. Al Starlink operatoryn testileýdiń qajeti joq. Óitkeni álemniń birqatar aimaǵynda óz tehnologiiasyn taratyp otyr. Biz ol kompaniiaǵa zańnamaǵa ózgeris engizgen soń aqparat beremiz dep keliskenbiz. Sodan keiin olar Qazaqstan naryǵyna kirý jumysyn bastaidy. Eger biyl depýtattar osy ózgeristerdi qabyldasa, kelesi jyly infraqurylym júrgizý bastalady. Sonda kelesi jyldyń aiaǵyna deiin halyqqa spýtnik interneti beriledi», - dedi ministr.
