2022 jyly meditsinalyq qyzmetterge tarif qaita qaralady.
Bul týraly búgin QR Densaýlyq saqtaý ministrliginiń keńeitilgen alqa otyrysynda vedomstvo basshysy Aleksei Tsoi aitty, dep habarlaidy QazAqparat.
«2022 jylǵy 1 qańtardan bastap jalaqynyń ósýin eskere otyryp, meditsinalyq qyzmetterge arnalǵan tarifter qaita qaralady. Ýniversitettik klinikalar úshin koeffitsientter, sondai-aq óńirlermen uiymdastyrýshylyq-ádistemelik jumys úshin UO men ǴZI úshin koeffitsientter ázirlenedi», - dedi Aleksei Tsoi.
Sondai-aq, ol Sovid-19 juqtyrǵan naýqastardy statsionarda emdeýge jáne jazylyp shyqqandarǵa meditsinalyq ońaltý úshin jańa tarifter kózdelgenin aitty. Bul tarifter tósek-kúnderge eseptegende statsionarlarda emdelý shyǵystaryn tóleý boiynsha jinaqtalǵan derekterdi eskere otyryp, klinikalyq-shyǵyn toptar qaǵidaty boiynsha ázirlendi. Sonymen qatar, mobildi brigadalarǵa jáne qashyqtan konsýltatsiialarǵa tarifter ázirlendi. 2021 jyly mamandandyrylǵan, onyń ishinde joǵary tehnologiialyq, meditsinalyq kómek kórsetýge aqy tóleý ádisterin, sondai-aq onkologiialyq beiindegi emdelip shyqqan jaǵdailardy tóleý ádisterin jetildirý boiynsha jumys jalǵasady. Alǵashqy meditsinalyq-sanitarlyq kómekke tarifterdi belgileý bastaldy. Patsientterdiń jaǵdaiynyń aýyrlyǵyn eskere otyryp, kardiohirýrgiia, miokard infarktisi, insýlt, travmatologiialyq jáne infektsiialyq aýrýlar boiynsha tarifterdi pilottyq synaqtan ótkizý josparlanýda.
«2021 jyly densaýlyq saqtaý sýbektileriniń negizgi quraldaryn jańartý maqsatynda biz jol kartasyn iske asyrý jáne 2020-2022 jyldarǵa arnalǵan TMKKK aiasynda jáne MÁMS júiesinde meditsinalyq qyzmetterge tarif belgileý ádistemesin jetildirý boiynsha jumysty jalǵastyramyz», - dedi Aleksei Tsoi.
Sondai-aq ol Densaýlyq saqtaý ministrligi jeke qorǵanys quraldaryna arnalǵan shyǵystardy óteý jóninde usynystar ázirleitindigin aitty.
