Foto: inbusiness.kz
2022 jyly qansha qazaqstandyq áskerge shaqyrylǵany belgili boldy, - dep habarlaidy Massaget.kz portaly.
Jalpy, 2022 jyly 35 myńǵa jýyq merzimdi sarbaz shaqyrylǵan.
"Arnaiy kezek bar, iaǵni birinshi shekarashylar shaqyrylady, sosyn Qarýly Kúshterge, odan keiin - Memlekettik kúzet qyzmeti, TJM jáne Ulttyq ulan. Naýryzdan maýsymǵa deiin shaqyrý kampaniiasy júredi. Kúzgi shaqyrý kampaniiasy 1 qyrkúiek pen 31 jeltoqsan aralyǵynda bolady.
Shekarashylarǵa 6 myńǵa jýyq adam, Ulttyq ulanǵa 13 myń adam, Qarýly Kúshterge 14 myńnan astam adam, Memlekettik kúzet qyzmetine 100-den asa adam jáne TJM-ge 300-den asa adam shaqyryldy. Olar Qarýly Kúshterdiń, basqa da áskerler men áskeri quralymdardyń qataryn tolyqtyrdy", - dedi bas shtabtyń uiymdastyrý-jumyldyrý jumysy departamenti bastyǵynyń orynbasary Azamat Dúsimov brifingte.
Onyń sózinshe, 2021 jylmen salystyrǵanda áskerge shaqyrylýshylar sany artqan.
"Byltyrmen salystyrǵanda merzimdi sarbazdar sany eki myńnan asty. Onyń ishinde, shekara áskerleri, Qarýly Kúshter jáne Memlekettik kúzet qyzmeti bar. Bul Memleket basshysynyń tapsyrmasyna sáikes josparly is-shara", - dep habarlady brifingte Bas shtabtyń uiymdastyrý-jumyldyrý jumysy departamenti bastyǵynyń orynbasary Azamat Dúsimov.
Onyń sózinshe, kelesi shaqyrý kampaniiasy naýryzda bastalady.
