2022 jyly halyqaralyq áielder kúni men Konstitýtsiia merekesinde jumys jáne demalys kúnderi aýystyrylady. Eń uzaq demalys – Naýryz meiramy qarsańyndaǵy 5 kún bolmaq, dep habarlaidy "QazAqparat" HAA.
Elimizde qańtardyń 1 men 2-si kúnderi Jańa jylǵa orai resmi túrde demalys kúni sanalady. Al 2022 jyldary bul kúnder senbi men jeksenbige dóp kelip tur. Demek, 3-i men 4-i dúisenbi men seisenbi de qazaqstandyqtar úshin demalys bolady. Óitkeni, mereke kúnderi senbi men jeksenbige týra kelgende demalys kelesi kúnderge sozylady.
Qazaqstanda 2 dini mereke kúnderi demalys dep jariialanǵan. Keler jyldyń 7 qańtary – Rojdestvo merekesi juma kúnine túsip, 7, 8, 9 qańtar demalys kúni bolady. Osylaisha jalpy senbi-jeksenbi kúnderin qosqanda, qazaqstandyqtardy qańtar aiynda 13 demalys kúni kútip tur.
Sonymen birge, qazan aiynda Úkimet basshysy Asqar Mamin 2022 jyldyń demalys kúnderin aýystyrý týraly qaýlyǵa qol qoiǵan edi. Osyǵan orai, demalys 2022 jylǵy 5 naýryz senbiden 2022 jylǵy 7 naýryzdaǵy dúisenbige aýystyryldy. Tiisinshe, qazaqstandyqtar 5 naýryzda jumys istep, halyqaralyq áielder kúnine 6, 7, 8 naýryz kúnderi úsh kún jáne Naýryz meiramynda – 19-23 aralyǵynda bes kún demalady.
Mamyrda qazaqstandyqtar 3 merekeni atap ótedi. Dálirek aitqanda, 1 mamyr - Qazaqstan halqynyń birligi merekesi jeksenbige kelgendikten, 2 mamyr da demalys bolyp sanalady. Al 7 mamyr – Otan qorǵaýshylary kúni men 9 mamyr – Jeńis kúnine orai 4 kún demalys beriledi.
6 shilde – Astana kúni sársenbide jáne Qurban aittyń birinshi kúni ótetin 9 shilde senbi kúni demalys bolady.
Konstitýtsiia kúni toilanatyn 30 tamyz biyl seisenbige týra keledi. Sondyqtan joǵaryda atalǵan Úkimet basshysynyń qaýlysymen demalys 2022 jylǵy 27 tamyz senbiden 2022 jylǵy 29 tamyz dúisenbige aýystyrylǵan. Osylaisha, qazaqstandyqtar 27 tamyzda jumys istep, 29, 30 tamyz kúnderi demalady.
Al 1 jeltoqsanda elimizde Qazaqstannyń Tuńǵysh Prezidenti kúni toilanady. Iaǵni, beisenbi kúni demalady. Sondai-aq Táýelsizdik kúnine orai 16-nan 19-yna deiin úsh kún demalys bolady.
Sondai-aq, 2022 jyldyń sońǵy kúni 31 jeltoqsan senbi – demalys kúnine sáikes keledi.
