2022-2023 oqý jylyna arnalǵan bilim granty iegerleriniń tizimi jariialandy. Daiyn sertifikattardy talapkerler Ǵylym jáne joǵary bilim ministrligi janyndaǵy Ulttyq testileý ortalyǵynyń grant.testcenter.kz saitynan júktei alady.
Granttardy taǵaiyndaý konkýrsyna qatysý úshin 80 myńǵa jýyq talapker qujat tapsyrdy. Bul ótken jylmen salystyrǵanda 5 myńǵa artyq.
Memlekettik granttar respýblikalyq komissiia otyrysynyń qorytyndysy boiynsha taǵaiyndaldy. Komissiia quramynda ministrliktiń, memlekettik organdardyń, bilim salasy kásipodaqtarynyń, QR Ulttyq kásipkerler palatasy, BAQ, Qazaqstannyń azamattyq aliansy jáne qoǵamdyq uiym ókilderi boldy.
Birneshe jyl qatarynan talapkerlerdiń tańdaýy ózgerissiz qalyp otyr. Iaǵni ótinishterdiń kóbi «Pedagogikalyq ǵylymdar», «Injenerlik, óńdeý jáne qurylys salalary» men «Aqparattyq-kommýnikatsiialyq tehnologiialar» siiaqty baǵyttarǵa berildi. Bir granttyq orynǵa eń úlken konkýrs bolashaq muǵalimder, tis dárigerleri jáne injenerler arasynda boldy.
Grantqa úmitkerler arasynda baldary teń bolǵan jaǵdaida basym quqyqqa ie bolatyn 20 myń talapker, olardyń ishinde «Altyn belgi» iegerleri, halyqaralyq jáne respýblikalyq olimpiadalardyń jeńimpazdary, oqý úzdikteri bar.
Esterińizge sala keteiik, biyl áleýmettik osal sanattaǵy balalarǵa bólingen grant sany artty. Iaǵni, kópbalaly nemese tolyq emes otbasylardan shyqqan balalar, sondai-aq erekshe bilim berý qajettilikteri bar balalardy tárbielep otyrǵan otbasylardan shyqqan talapkerler grant alýda basymdyqqa ie boldy.Sondai-aq aýyldan shyqqan jastar úshin aýyldardyń áleýmettik-ekonomikalyq damýyn aiqyndaityn mamandyqtarǵa jáne QR azamattyǵy joq ulty qazaq jastaryna kvota qarastyrylǵan.
Joǵary oqý oryndaryna qujattardy tapsyrý 25 tamyzǵa deiin júzege asyrylady.
Konkýrstyq irikteýdiń qorytyndysy QR Ǵylym jáne joǵary bilim ministrliginiń resmi (https://t.me/gylym_jogary_bilim) Telegram kanalynda jáne respýblikalyq BAQ betterinde jariialandy.
