Qazaqstan Prezidenti Qasym-Jomart Toqaev zeinetaqy jinaǵyn turǵyn úi satyp alýǵa, emdelýge paidalaný týraly sheshimdi jariialady.
"Meniń tapsyrmam aiasynda zeinetaqy jinaǵyn paidalaný máselesi pysyqtaldy. Bul qazir ózekti bolyp tur. 2021 jyly Biryńǵai jinaqtaýshy zeinetaqy qorynyń 700 myń salymshysy jinaqtyń bir bóligin turǵyn úi satyp alýǵa, emdelýge jumsai alady", - dedi Toqaev Qazaqstan halqyna Joldaýynda.
Memleket basshysy úkimetke Ulttyq bankpen birlesip 2020 jyldyń sońyna deiin barlyq qajetti normativtik-quqyqtyq aktini qabyldaýdy jáne daiyndyq jumystaryn júrgizýdi tapsyrdy.
"Bul zeinetaqy júiesine qatysýǵa yntalandyrýdyń tiimdi quralyna ainalady", - dep esepteidi Prezident.
Turǵyn úi máselesin ózdiginen sheshýge tabysy jetkiliksiz azamattarǵa tiimdi áleýmettik qoldaý kórsetiledi.
