Biyldan bastap joǵary oqý ornynda grant arqyly bilim alǵan túlekter grantty mamandyq boiynsha burynǵydai tek memlekettik uiymdarda ǵana emes, jekemenshik mekemelerde de ótei alady, dep habarlaidy "Ult aqparat" BǴM baspasóz qyzmetine silteme jasap.
Memlekettik grant arqyly bilim berýge qatysty ózgerister «Bilim týraly» Zańǵa 2016 jyly engizildi. Sáikesinshe, grantpen oqyǵan stýdentter oqýyn aiaqtaǵan soń mamandyǵy boiynsha memlekettik mekemelerde 3 jyl jumys isteýge mindetti bolatyn. Tiisinshe, bul norma 2017-2018 akademiialyq jyldan bastap memlekettik tapsyrys esebinen joǵary oqý oryndaryna túsken barlyq stýdentke qatysty qoldanylady.
«Eger stýdent joǵary oqý ornyna grant boiynsha 2017 jyly túsip, 2020-2021 akademiialyq jyly oqýyn aiaqtasa, ol grantty buryn qabyldanǵan zańǵa sáikes óteidi. Sondyqtan bul rette aitarlyqtai jańashyldyq joq», – dep túsindirdi QR BǴM Joǵary jáne joǵary oqý ornynan keiingi bilim departamentiniń direktory Ádilet Toibaev.
2021 jyldyń basynda grantty óteýge qatysty zań talaptary jeńildetildi. Endi joǵary oqý ornynda grant arqyly bilim alǵan túlekter grantty mamandyq boiynsha burynǵydai tek memlekettik uiymdarda ǵana emes, jekemenshik mekemelerde de ótei alady.
Sonymen qatar jumyspen óteý merzimi grant boiynsha barlyq 4 jyl kóleminde emes, tek belgili bir ýaqyt aralyǵynda ǵana oqyǵandardardyń paidasyna qarai qaita qaraldy. Máselen, stýdent joǵary oqý ornynyń aqyly bólimine túsip, biraz ýaqyttan keiin jaqsy úlgerimi úshin memlekettik bilim grantyn ielenýi nemese kerisinshe, grantta oqyp júrip, aqyly bólimge aýysýy múmkin. Bul jaǵdaida azamat qansha jyl grant arqyly oqysa, grantty dál sol merzimge sáikes ótei alady.
Eske sala ketsek, 2025 jylǵa deiin granttar sany 50 paiyzǵa artady. Granttardyń birneshe túri engiziledi.
