2021 jyly Almatyda bes jańa sporttyq-saýyqtyrý kesheni salynady, dep habarlaidy "Ult aqparat".
«Maqsat – sport nysandaryn halyqqa qoljetimdi etý, sport sektsiialarynyń jumysyn uiymdastyrý, sport nysandaryn salý, eskirgenderin jańǵyrtý. Búgingi tańda Almatydaǵy sport nysandarynyń tapshylyǵy 31% quraidy. Jaǵdaidy qalpyna keltirý úshin 2021 jyly jalpy aýdany 15 myń sharshy metrden asatyn bes sporttyq-saýyqtyrý keshenin salý josparlanýda», - dedi Almaty qalasy dene shynyqtyrý jáne sport basqarmasynyń bastyǵy Rústem Baiseiitov qoǵamdyq keńestiń otyrysynda.
Onyń aitýynsha, bul keshenderde horeografiia, kórkem gimnastika zaldary jumys isteitin bolady. Sondai–aq, eki sport kesheninde bassein jáne jekpe-jek zaly qarastyrylǵan.
«2020 jyldyń ekinshi jartysynda biz qurylysty bastaimyz. Barlyq bes sporttyq-saýyqtyrý ortalyǵy ortalyqtan shalǵai ornalasqan aýdandarda boi kóteredi. Iaǵni, Jetisý, Túrksib jáne Medeý aýdandarynda», - dedi spiker.
