Memleket basshysy Qasym-Jomart Toqaev «2021-2023 jyldarǵa arnalǵan respýblikalyq biýdjet týraly» Qazaqstan Respýblikasynyń Zańyna qol qoidy, dep habarlaidy "Ult aqparat".
Atalǵan Zańǵa sáikes, 2021 jylǵy 1 qańtardan bastap: jalaqynyń eń tómen mólsheri - 42 500 teńge; memlekettik bazalyq zeinetaqy tóleminiń eń tómen mólsheri - 18 524 teńge; zeinetaqynyń eń tómen mólsheri - 43 272 teńge; járdemaqylardy jáne ózge de áleýmettik tólemderdi esepteý, sondai-aq Qazaqstan Respýblikasynyń zańnamasyna sáikes aiyppul sanktsiialaryn, salyqtardy jáne basqa da tólemderdi qoldaný úshin ailyq eseptik kórsetkish - 2 917 teńge; bazalyq áleýmettik tólemderdiń mólsherlerin esepteý úshin eń tómen kúnkóris deńgeiiniń shamasy - 34 302 teńge bolyp belgilendi.
Jasyna bailanysty zeinetaqy tólemderine jáne eńbek sińirgen jyldary úshin zeinetaqy tólemderine jumsalatyn qarajat 2021 jylǵy 1 qańtardan bastap olardyń mólsherlerin 7 protsentke kóterý eskerile otyryp kózdelgen.
2021 jylǵy 1 qańtardan bastap áleýmettik meditsinalyq saqtandyrý qoryna tóleýge jatatyn mindetti áleýmettik meditsinalyq saqtandyrýǵa memleket jarnalarynyń mólsheri memleket jarnalaryn esepteý obektisinen 1,6 paiyz dep belgilendi.
2021 jylǵy 1 qańtardan bastap áskeri qyzmetshilerge (merzimdi qyzmettegi áskeri qyzmetshilerden basqa) jáne arnaýly memlekettik jáne quqyq qorǵaý organdarynyń, memlekettik feldegerlik qyzmettiń qyzmetkerlerine turǵynjaidy kútip-ustaýǵa jáne kommýnaldyq qyzmetterge aqy tóleýge aqshalai ótemaqynyń ailyq mólsheri 3 739 teńge somasynda bolady.
Zań 2021 jylǵy 1 qańtardan bastap qoldanysqa engiziledi.
