2021 jyldyń 5 aiynda jalpy ishki ónimniń ósimi 1,6 paiyzdy qurady. Bul týraly QR Parlamenti palatalarynyń birlesken otyrysynda Premer-Ministr Asqar Mamin aitty, dep habarlaidy QazAqparat.
«Biyl Qazaqstan ekonomikasy belsendi túrde qalpyna kelýde. Bes aidyń qorytyndysy boiynsha jalpy ishki ónimniń ósimi 1,6 paiyzdy qurady. Ekonomikanyń barlyq salalarynda oń ósim baiqalýda. Respýblika boiynsha óńdeýshi ónerkásibi ekonomikanyń negizgi draiverleriniń biri boldy. Sonyń ishinde, mashina jasaý, himiia ónerkásibi, farmatsevtika jáne jeńil ónerkásip joǵarǵy ósimdi kórsetti», - dedi Úkimet basshysy.
Onyń atap ótýinshe, qurylys salasy men turǵyn úidi paidalanýǵa berý boiynsha ósý qarqyny joǵary. Aýyl sharýashylyǵynda da turaqty ósý qarqyny baiqalady.
«Qyzmet kórsetý salasynda eki ai qatarynan oń ósý serpin belgilendi. Buǵan septigin tigizgen negizi faktorlar saýda, bailanys, jyljymaityn múlikpen operatsiialar, qarjy jáne saqtandyrý qyzmeti salalary boldy. Óndiristik emes salalarda joǵary investitsiialyq belsendilik baiqalady. Bul ekonomikany ártaraptandyrý arqyly ornyqty ári sapaly damýy úshin negiz bolady», - dedi ol.
Úkimet basshysynyń atap ótýinshe, negizgi kapitalǵa investitsiialardyń ósimi taý-ken óndirý ónerkásibin eskermegende 25,5 paiyzdy qurady.
«Qurylys, óńdeý ónerkásibi, onyń ishinde tamaq ónimderi ónerkásibi, aqparat jáne bailanys, aýyl sharýashylyǵy, saýda, jyljymaityn múlikpen operatsiialar jáne kólik salalaryna investitsiialar eleýli ósti», - dedi Asqar Mamin.
