QR Bilim jáne ǵylym vitse-ministri Miras Dáýlenov elimizde diplom berýde qandai ózgeris bolatynyn aitty, dep habarlaidy QazAqparat.
«JOO-larǵa akademiialyq derbestik bekitilgen, iaǵni oqý oryndary derbes túrde ózderiniń akademiialyq baǵdarlamasyn ázirlep, diplomdaryn beredi. Qazirgi kezde joǵary oqý oryndary ózderiniń bilim berý baǵdarlamasyn aityrlyqtai jyldam asha alady», - dedi M. Dáýlenov Ortalyq kommýnikatsiialar qyzmetinde.
Onyń aitýynsha, eń basty talap retinde bul baǵdarlama jumys berýshiler suranysyna jaýap berip, bilim sapasyna sáikes kelýi kerek.
«2021 jyldan bastap JOO-lar jeke úlgisi boiynsha diplom beretin bolady. Bul óz kezeginde akademiialyq derbestikti keńeitýde úlken qadam bolyp otyr. Osyǵan bailanysty oqý oryndary óz erkimen mundai diplomnyń formatyn, sondai-aq ony tabystaý júiesin aiqyndaidy», - dedi vitse-ministr.
