QR Premer-Ministri Asqar Maminniń tóraǵalyǵymen ótken Úkimet otyrysynda QR Úkimetiniń zań jobalaý jumystarynyń 2020 jylǵa arnalǵan jospary qaraldy, dep habarlaidy "Ult aqparat".
Ádilet vitse-ministri N. Pan Úkimettiń zań jobalaý jumystarynyń 2020 jylǵa arnalǵan josparynyń jobasy Elbasy N. Nazarbaevtyń strategiialyq nusqaýlary men Prezident Q. Toqaevtyń tapsyrmalaryn eskere otyryp ázirlengenin atap ótti.
Qujat áleýmettik qamsyzdandyrý, dene shynyqtyrý jáne sport salasyn, arnaiy taýarlardy baqylaý, arnaiy memlekettik organdardyń qyzmetkerleri men áskeri qyzmetshilerdiń turǵyn úi qatynastary, vizýaldyq aqparat jáne t. b. salalardy odan ári damytýǵa baǵyttalǵan 16 zań jobasyn ázirleýdi qarastyrady.
Josparlanǵan zań jobalary Prezident Q. Toqaevtyń Joldaýyn iske asyrý jónindegi Jalpyulttyq is-sharalar josparymen tolyq sáikes keledi jáne halyq úshin mańyzdy salalarda quqyqtyq qatynastardy jetildirýge baǵyttalǵan.
«Ádilet ministrligine salalyq memlekettik organdarmen birlesip, engizilip jatqan zań jobalarynyń sapasyna erekshe nazar aýdarý kerek», — dedi A. Mamin.
