«Qazposhta» AQ Poshta qyzmetteri jáne E-commerce boiynsha basqarýshy direktory Áliia Súgirbaeva joǵalǵan poshtalyq jóneltimder týraly suraqqa jaýap berdi, dep habarlaidy QazAqparat.
«Jalpy «Qazposhtaǵa» júginetin klientterdiń kópshiligi sapasyz taýar salynǵanyn nemese qandai da bir taýardyń jetpei turǵanyn aitady. Sondyqtan, bolashaqta osyndai problemalyq máselelerdi boldyrmaý úshin barlyq klientimizge – Qazaqstan turǵyndaryna ózderin jaqsy qyrynan kórsetken, tekserilgen internet-alańdardan, saittardan ǵana taýar alýǵa keńes beremiz», - dedi Á. Súgirbaeva «Qazposhta» ǵimaratynda ótken brifingide.
Onyń aitýynsha, ótken jyly jalpy sálemdemeler sanynyń 0,004%-y joǵalǵan.
«2020 jyly Qazaqstanǵa turǵyndarymyz tapsyrys bergen 8 mln-nan astam sálemdeme jetkizildi. Onyń ishinde tek 370-i joǵaldy. Árbir joǵalý faktisi boiynsha kompaniianyń qaýipsizdik qyzmeti tekserý júrgizedi, barlyq faktiler anyqtalady jáne QR Zańnamasy aiasynda tiisti sheshimder qabyldanady. Jalpy sálemdemeler arasynda bul 0,004%-dy quraidy», - dep qorytyndylady spiker.
Aita keteiik, 10 aqpanda birqatar BAQ-ta elorda turǵyny Ilia Grishko týraly siýjet shyqqan edi. Onda I. Grishko «Qazposhta» sálemdemesinde ózi tapsyrys bergen uialy telefonnyń joǵalýyna shaǵymdanǵan.
