Byltyr Qazaqstanda joǵarǵy tynys alý joldarynyń infektsiiasyna shaldyqqandar sany 13,2% artty, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosynyń aqparatyna sáikes, 2020 jylǵy qańtar-jeltoqsanda tirkelgen juqpaly aýrýlardyń arasynda eń kóp taralǵany: jelsheshek – 17,5 myń jaǵdai, jiti ishek infektsiialary – 7 myń, tynys alý músheleri týberkýlezi – 5,8 myń, dermatomikozdar – 5 myń, fýnktsionaldyq diareia – 4,7 myń, sozylmaly virýsty gepatitter, alǵash anyqtalǵandardyń jáne enterobioz - 3,8- myńnan, AITV týdyrǵan aýrý jáne qyzylsha - 3,3 myńnan, tumaý – 2,7 myń, merez – 2,4 myń jáne skarlatina – 2,2 myń. Jelsheshek aýrýy 41,9% jáne qyzylsha 24,5% tómendegen.
2019 jyldyń sáikes kezeńimen salystyrǵanda joǵarǵy tynys alý joldarynyń jiti infektsiialarynan bolǵan aýrýlar sany 13,2% artty (539,2 myń jaǵdaiǵa qarsy 610,5). Syrqattanýshylyqtyń edáýir bóligi qalalyq jerlerde tirkelgen – 82,6%. 0-den 14 jasqa deiingi balalar arasyndaǵy syrqattanýshylyq – 51,9%, 15-17 jas aralyǵynda 4,1% qurady.
100 myń adamǵa shaqqanda jiti ishek infektsiialarymen eń kóp aýyrǵandar sany Qyzylorda oblysynda (89,4) jáne Nur-Sultan qalasynda (87,8) boldy. Tynys alý músheleri týberkýlezi - Atyraý (50,1), Qyzylorda (41,9), Mańǵystaý (41,3) jáne Qostanai (40,6) oblystarynda tirkelgen.
