Elordada AHQO Biýrosy alańynda zertteýshiler álemindegi mańyzdy halyqaralyq sharalardyń biri – II Science Forum: Reseafch Impact atty ǵylymi forým ótti, dep habarlaidy "Ult aqparat".
Forým barysynda halyqaralyq joǵary reitingili ǵylymi jýrnaldarda jetistikterin jariialaityn kórnekti qazaqstandyq ǵalymdar «Scopus award – 2019» jalpyulttyq syilyǵyn aldy.
«Ǵalymdar memleket tarapynan marapattalyp jatsa – bir basqa, al mynadai marapattaý – bir basqa, sebebi bul marapat dúniejúzindegi áriptesterińizdiń aldynda tanylý degendi bildiredi. Memleket basshysy Qasym-Jomart Toqaev, Elbasy jáne Úkimet ǵylym salasyn damytýǵa úlken mańyz berip otyr. Kelesi jyly ǵylym salasyn qarjylandyrý kólemi eki ese artady», - dedi QR Bilim jáne ǵylym ministri Ashat Aimaǵambetov marapattaý rásiminde.
Onyń aitýynsha, sońǵy eki jylda elimizde jazylǵan ǵylymi jumystar sany 2,5 esege ulǵaiǵan.
«Scopus, Elsevier bazalaryna 100 myń ǵalym kirip, qajetti aqparattardy alýda. Bul – ǵylymdy damytý úshin óte mańyzdy. Biz mamandardy, ǵylymi qyzmetkerlerdi daiyndaý týraly aitqan kezde bilim berý baǵdarlamalaryna: magistratýra, doktarantýraǵa, doktarantýradan keiingi institýttardy damytýǵa úlken kóńil bólemiz. Ótken jyly mańyzdy zań qabyldandy. Onda neni oqytý kerek, qansha kólemde oqý kerektigin budan bylai Bilim jáne ǵylym ministrligi emes, JOO-lardyń ózderi anyqtaidy. Bul elimizdegi ǵylymnyń damýy úshin mańyzdy nárse dep oilaimyn. Sońǵy eki jylda ǵylymi jumystar sany 2,5 ese ulǵaidy. Buǵan joǵaryda atalǵan málimetter bazasyna tirkelý de áser etti», - deidi Ashat Aimaǵambetov.
