Byltyr Nur-Sultan qalasynyń biýdjetine 696 mlrd 940 mln teńge kiris túsken. Iaǵni, jospar 35 mlrd 899 mln teńgege asyra oryndalyp otyr, dep habarlaidy QazAqparat.
Qalalyq ekonomika jáne biýdjettik josparlaý basqarmasynyń basshysy Álibi Jumaev qoǵamdyq keńes otyrysynda osyndai málimet berdi
«Ótken jyly Nur-Sultan biýdjetine 696 mlrd 940 mln teńge tústi. Jospar 35 mlrd 899 mln teńgege asyra oryndaldy. Menshikti kiristerdiń jiyntyq kólemi 361 mlrd 717 mln teńgeni qurady nemese 11% artyq oryndaldy. Salyqtyq túsimder boiynsha 332 mlrd 479 mln teńge tústi. Ol 110,6%-dy qurady nemese 31 mlrd 751 mln teńgege asyra oryndaldy. Salyqtyq emes túsimder boiynsha 11 mlrd 796 mln teńge nemese 116%-ǵa ósti», - dedi basqarma basshysy.
Onyń aitýynsha, biýdjet bóliginde negizgi kiristi asyra oryndaý salyq túsimderi esebinen qamtamasyz etilgen.
«Bul rette 2020 jyldyń 1 qańtarynan bastap shaǵyn jáne orta biznesten túsetin korporativtik tabys salyǵy jergilikti biýdjetke túsetinin atap ótken jón. Osyǵan bailanysty asyra oryndaýdyń negizgi somasynyń biri korporativtik tabys salyǵynyń túsimderi boldy. Bul soma 13 mlrd 604 mln teńgeni qurady. Jeke tabys salyǵy boiynsha 122 mlrd 404 mln teńge tústi. Áleýmettik salyq boiynsha asyra oryndaý 7 mlrd 827 mln teńgeni qurap, 89 mlrd 521 mln teńge boldy. Jer salyǵy boiynsha jospar 26 mln teńgege asyra oryndalyp, jalpy 1 mlrd 593 mln teńge tústi. Kólik quraldaryna salynatyn salyq boiynsha jospar 540 mln teńgege asyra oryndalyp, 5 mlrd 642 mln teńge tústi», - dep tolyqtyrdy ekonomika jáne biýdjettik josparlaý basqarmasynyń basshysy.
Sóziniń sońynda Álibi Jumaev esepti jyly Nur-Sultan qalasynyń ákimdigi «Nurly jer» baǵdarlamasy aiasynda 49 mlrd 548 mln teńge, «Jumyspen qamtýdyń jol kartasy» baǵdarlamasy aiasynda 44 mlrd 30 mln teńge bolatyn memlekettik baǵaly qaǵazdar shyǵarylǵanyn málim etti.
