Biyl elimizde 105 bala kópqabatty úidiń terezesinen qulaǵan. Bul týraly onlain brifingide QR IIM Ákimshilik politsiia komiteti iývenaldy politsiia jáne áielderdi zorlyq-zombylyqtan qorǵaý bólimi bastyǵynyń orynbasary Dilbar Tólegenova aitty, dep habarlaidy "Ult aqparat".
Kámeletke tolmaǵandar arasyndaǵy jazataiym oqiǵalardyń aldyn-alý – óte mańyzdy. Balalardyń bos ýaqyttaryn uiymdastyra almaý, olardy ata-analarynyń qaraýsyz qaldyrýy – ártúrli jazataiym jaǵdailarǵa, jaraqat pen ólimge alyp keledi.
«Biyl respýblika boiynsha 105 bala kópqabatty úidiń terezesinen qulady, onyń ishinde 18 bala jazataiym jaǵdaidan mert bolsa, al qalǵan 87-i aýrýhanaǵa jatqyzyldy. Kámeletke tolmaǵandardyń jaraqattanýyn boldyrmaý úshin kámeletke tolmaǵandardyń úide jáne kóshede, sýda jáne órt kezinde qaýipsizdik sharalaryn saqtaý erejelerin túsindirý jumystary júrgizilýde», - deidi QR IIM Ákimshilik politsiia komiteti iývenaldy politsiia jáne áielderdi zorlyq-zombylyqtan qorǵaý bólimi bastyǵynyń orynbasary Dilbar Tólegenova.
Onyń aitýynsha, shomylý maýsymy kezinde balalardyń qaýipsizdigin qamtamasyz etý úshin politsiia sý aidyndaryna reid júrgizip, demalýshylarmen profilaktikalyq áńgimeler uiymdastyrady. Qaýipti jerlerde 6 myń tyiym salý belgileri ornatyldy. Qala jaǵajailarynda balalar júzetin 66 jaǵajai bar.
