Dúniejúzilik densaýlyq saqtaý assambleiasy 2020 jyldy Meiirbikelik jáne akýsherlik qyzmet salasyndaǵy qyzmetkerlerdiń halyqaralyq jyly dep jariialady, dep habarlaidy "Ult aqparat" Dúniejúzilik densaýlyq saqtaý uiymynyń resmi saityna silteme jasap.
«Medbikeler men akýsherler densaýlyq saqtaý salasynda qyzmet kórsetýde mańyzdy ról atqarady. Olar óz ómirin analar men balalardyń qamqorlyǵyna arnaidy, ómirlik mańyzdy ekpeler salyp, meditsinalyq usynys-keńesterin beredi, qart adamdarǵa kútim jasaidy. Jalpy alǵanda halyqtyń densaýlyq saqtaý salasyndaǵy negizgi kúndelikti qajettilikterin qanaǵattandyrady. Olar kóbine jergilikti turǵyndar úshin meditsinalyq kómek kórsetetin alǵashqy jáne jalǵyz adam bolyp otyr», - delingen DDU saitynda.
Málim etilgendei, 2030 jylǵa deiin densaýlyq saqtaý qyzmetterimen jalpylai qamtýǵa qol jetkizý úshin meiirbikelik jáne akýsherlik salada 9 mln qosymsha jumys ornyn qurý qajet.
«Sondyqtan Dúniejúzilik densaýlyq saqtaý assambleiasy 2020 jyldy Meiirbikelik jáne akýsherlik qyzmet salasyndaǵy qyzmetkerlerdiń halyqaralyq jyly dep jariialaý týraly sheshim qabyldady», - delingen aqparatta.
