Qazaqstanda azyq-túlik taýarlarynyń baǵalary 2018 jyldyń jeltoqsanynda 2017 jyldyń jeltoqsan aiymen salystyrǵanda 5,1 paiyzǵa ósken, dep habarlaidy "Ult aqparat" QR Ulttyq ekonomika ministrliginiń Statistika komitetine silteme jasap.
Ótken jyly Qazaqstanda nan-toqash ónimderi men jarma, et, balyq jáne teńiz ónimderi, sút ónimderi, jumyrtqa, mai, qant, konditerlik ónimder, alkogolsiz jáne alkogoldi ónimder qymbattap, kókónister men jemister baǵasy arzandaǵan.
2018 jyldyń jeltoqsanynda 1 kg kúrishtiń baǵasy 318 teńge bolsa, qaraqumyq jarmasy 247 teńge (2018) jáne 316 teńge (2017) bolǵan.
Ótken jyldyń jeltoqsanynda qant baǵasy 1 kg úshin 243 teńgeni qurasa, 2017 jyldyń jeltoqsanynda - 202 teńge bolǵan.
Kókónisterdiń arasynda kartop baǵasy 2018 jyldyń jeltoqsanynda 1 kg úshin 86 teńgeni quraǵan (2017 jyldyń jeltoqsanynda - 117 teńge), oramjapyraq baǵasy 101 teńge (78 teńge), piiaz - 77 teńge (94 teńge), sábiz 98 teńge (116 teńge) boldy.
