Astanada Qazaqstan Respýblikasy Ulttyq ulttyq ulanynyń basshylyq quramynyń qatysýymen Áskeri keńes otyrysy bolyp ótti. Atalmysh sharada quqyqtyq tártip áskeriniń ótken 2017 jylǵy qyzmettik-jaýyngerlik daiarlyǵy qorytyndylanyp, aldaǵy jylǵa mindetter qoiyldy.
Áskeri keńeske QR Ishki ister ministri Qalmuhanbet Qasymov tóraǵalyq jasady. Sondai-aq, otyrysqa Prezident kómekshisi – Qaýipsizdik keńesiniń tóraǵasy Vladimir Jumaqanov, Bas áskeri prokýror Erǵali Merzadinov, óńirlik qolbasshylyq qolbasshylary, áskeri bólim komandirleri, Áskeri institýt bastyǵy men olardyń tárbie jáne áleýmettik-quqyqtyq jumystar jónindegi orynbasarlary qatysty.
Áskeri keńeste negizgi baiandamamen Ulttyq ulan Bas qolbasshysy Rýslan Jaqsylyqov sóz sóiledi.
Ulttyq ulan Bas qolbasshysy óz baiandamasynda ótken jyldyń qyzmettik-jaýyngerlik áreketin qorytyndylady. Sondai-aq, alda kezdesken máselelerge qaramastan ulandyqtar ózderine júktelgen mindetterdi tolyqtai oryndaǵanyn tilge tiek etti.
- Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» bizdiń aldymyzǵa jańa strategiialyq mindetter men basymdyqtar qoiyp, áskerdiń ári qarai damýyna serpin beredi. Prezident, Parlament pen Úkimettiń áskerimizge degen kóńili jyl sanap jaqsaryp keledi. Búginde Ulttyq ulannyń materialdyq-tehnikalyq jaraqtandyrylýy jaqsaryp, áskerilerdiń áleýmettik máseleleri sheshimin tabý ústinde. Oǵan «Turǵyn úi qatynastary týraly» jańa Zańnyń jaryqqa shyǵýy dálel. Sondai-aq áskerilerdiń jalaqylary da kóterilip, synyptyq dárejege de qosymsha aqshalai ústemeler bar. Munyń barlyǵy áskerdiń qyzmettik-jaýyngerlik mindetterin oryndaýǵa úlken septigin tigizedi, - dedi óz sózinde Bas qolbasshy.
R. Jaqsylyqov elimizdiń qoǵamdyq qaýipsizdigi men qorǵanysyn tiimdi qamtamasyz etý boiynsha áskerdi qazirgi jáne aldaǵy mindetterge sáikestendirý bolyp tabylatyn Ulttyq ulannyń 2017-2019 jyldarǵa arnalǵan Damý baǵdarlamasynyń oryndalý barysymen tanystyryp ótti. Onda negizgi basymdyq taktikalyq qimyldar, kásibi-laýazymdyq daiarlyq pen basqarý organdaryn jetildirýge basa mán berilgen. Osy oraida biylǵy 2018 jyl Ulttyq ulanda kásibi daiarlyq jyly bolyp bekitilgenin jetkizdi.
QR Ishki ister ministri óz kezeginde quqyq-qorǵaý organdary men Ulttyq ulan jaýyngerleriniń elimizdegi qoǵamdyq tártipti qamtamasyz etýdegi orny men jeke quramnyń eljandylyq rýhyndaǵy tárbiesine jete kóńil bólý kerektigin aitty.
Otyrysta sonymen birge Prezident kómekshisi – Qaýipsizdik keńesiniń tóraǵasy V. Jumaqanov, Bas áskeri prokýror E. Merzadinov sóz sóilep, ulandyq áskerdiń tynyshtyqty saqtaýdaǵy ornyn atap ótti. Sondai-aq, jiynda óńirlik qolbasshylyqtar qolbasshylarynyń esebi tyndaldy.
Áskeri keńestiń otyrysyn qorytyndylaǵan Ishki ister ministri Qalmuhanbet Qasymov barlyq deńgeidegi komandirler men bastyqtardy áskerdiń jaýyngerlik daiarlyǵyna, áskeri tártip pen quqyqtyń saqtalýyna nazar aýdaryp, 2018 jylǵa mindetter qoidy.
