2017 jyly Ortalyq Aziia halqy 70 millionnan asyp jyǵylady. Bul týraly Qazaqstannyń strategiialyq zertteýler institýtynyń direktory Erlan Qarin málim etti, dep habarlaidy "Ult aqparat".
«2017 jyl demografiialyq turǵydan alyp qaraǵanda Ortalyq Aziia úshin betburysty bolady. Aǵymdaǵy jyly Ortalyq Aziia elderiniń halqy keminde 70 millionǵa jetedi, tipti odan asyp ta túsedi dep kútilýde. Bul óte mańyzdy demografiialyq kórsetkish. Nelikten mańyzdy? Óitkeni osydan 25 jyl buryn Ortalyq Aziia halqy ne-bári 50 million adam bolǵan edi. Iaǵni, osy kezeń ishinde Ortalyq Aziianyń halqy 34 paiyzǵa ósip otyr. Bul óte joǵary kórsetkish», — dedi Qarin.
Onyń aitýynsha, halyq sanynyń artýy ólim kórsetkishiniń tómendeýine, ómir súrý jasynyń ortasha uzaqtyǵyna jáne aimaqta bala týý sanynyń ósýine bailanysty oryn alýda.
«Bul trend aldaǵy ýaqytta da saqtalatyn bolady. Bizdiń kózqarasymyzsha, bul óte mańyzdy oqiǵa. Sondyqtan Ortalyq Aziia elderiniń úkimetteri ózderiniń áleýmettik-ekonomikalyq jáne ózge de saiasattaryn júrgzý barysynda osy jaitty qaperde ustaýy tiis», — dedi QSZI direktory.
