Áskeri vedomstvo basshysy general-polkovnik Sáken Jasuzaqov QR QM basshylyq quramy, professorlyq-oqytýshylar quramy, Qazaqstan Respýblikasynyń Tuńǵysh Prezidenti – Elbasy atyndaǵy Ulttyq qorǵanys ýniversitetiniń tyńdaýshylarymen «Memlekettiń áskeri qaýipsizdigi júiesinde Qazaqstan Respýblikasy Qarýly Kúshteriniń róli men orny» taqyrybynda 2017-2018 oqý jylyna arnalǵan dáris ótkizdi.
Aýditoriia aldynda sóz sóilei otyryp, Qorǵanys ministri búginde óńir men álemde kúrdeli qalyptasyp jatqan jaǵdailarda Qarýly Kúshterdiń róli ulǵaiýda jáne Elbasynyń tikelei qoldaýy, jeke qatysýynyń arqasynda qazirgi ýaqytta Qazaqstan Respýblikasynyń egemendigi men aýmaqtyq bútindigin kepildi túrde qamtamasyz etýge qabiletti «bizde sany jaǵynan az, alaida, jaýyngerlik ázir jáne jaýyngerlik qabiletti, armiiaǵa ie bolyp otyrmyz».
Jalpy alǵanda, dáriste álemdegi jáne Orta-Aziialyq óńirdegi áskeri-saiasi jaǵdai, onyń Qazaqstan Respýblikasynyń áskeri qaýipsizdigin qamtamasyz etý máselelerine yqpal etýi mazmundaldy. Áskeri josparlaýdyń strategiialyq jáne baǵdarlamalyq qujattarynyń negizgi mazmuny usynylǵan, sondai-aq Qarýly Kúshterdiń aǵymdaǵy jai-kúii men damýynyń baǵyttary ashyldy. Kezdesý barysynda Qorǵanys ministri ýniversitettiń basshylyǵyna magistrlik (doktorlyq) dissertatsiialardy ázirleý sapasyna jáne olardyń ózektiligi men praktikalyq baǵyttylyǵyna ról men jaýapkershilikti arttyrýdy tapsyrdy.
Sondai-aq oqytýshylardyń ǵylymi-ádistemelik daiyndyǵyna, tyń pedagogikalyq jáne basqarýshylyq oidy qalyptastyrýǵa, innovatsiialardyń, bilim berý jáne basqarýshylyq tehnologiialardyń keń qoldanylýyna, kásiptik-baǵdarlanǵan sheberlik pen daǵdylardy qalyptastyrý men shyńdaýǵa erekshe kóńil bóldi.
QR Qorǵanys ministrliginiń basshylyǵy ǵylymi jáne áskeri bilim berý mekemeleriniń qyzmetin jetidirýge úlken kóńil bóletinin aita ketken mańyzdy. Olardyń qyzmeti zamanaýi talaptarǵa sai kelýi úshin barlyq qajetti dúnie jasalýda. Oqytýdyń uiymdastyrylýy, mazmuny jáne ádistemesi jaqsartylýda, materialdyq-tehnikalyq jáne aqparattyq-ádistemelik qamtamasyz etý jańartylýda, áleýmettik infraqurylym damýda.
