Jańa jumys oryndary memlekettik jáne úkimettik baǵdarlamalardy júzege asyrý nátijesinde paida boldy. Jumyssyzdyq kórsetkishi 4,9 paiyzdy qurady. Bul týraly oblys ákimi Danial Ahmetov halyq aldyndaǵy esep berýinde málimdedi, dep habarlaidy "Ult aqparat".
«Jumyspen qamtýdyń jol kartasy-2020» baǵdarlamasy aiasynda 17 myń adam qamtylyp, 4,6 jańa jumys orny ashyldy. 1,1 mlrd teńgeniń 442 mikrokrediti berildi.
«Jumyspen qamtýdyń jol kartasy-2020» baǵdarlamasy boiynsha infraqurylymdy júzege asyrýda 5,4 mlrd. teńgeniń 620 jobasyna jóndeý jumystary júrgizildi. Nátijesinde densaýlyq saqtaý, bilim, injenerlik, transporttyq infraqurylymnyń, sport jáne mádeniet nysandary jańartyldy.
Eńbek resýrstarynyń jedeldigin jáne olardy baspanamen qamtý úshin Jarma men Úrjar aýdandarynda 13 jeke qyzmettik úige ie boldy. Óskemende jas mamandarǵa arnalǵan eki jataqhana qurylysy aiaqtaldy.
Qazaqstan Respýblikasynyń Úkimeti qabyldaǵan baǵdarlama boiynsha ónimdi eńbekti jáne jappai kásipkerlikti damytý úshin 2017-2021 jyl aralyǵynda turǵyndar arasynda oblystaǵy barlyq kolledjderden tegin túrde kásibi-tehnikalyq bilim alýǵa múmkindik týdy. Biyl oblystyq biýdjetten 1730 adamdy oqytý úshin 343,1 mln. teńge qarjy bólindi.
Jumyssyzdar men ózin-ózi jumyspen qamtyǵan turǵyndardy bir aidan alty aiǵa deiingi ýaqytta kýrs oqytý qarastyrylǵan. Myń jarymǵa jýyq adamdy oqytý josparlanyp otyr.
Jeti jyl merzimge jyldyǵy alty paiyzdan aspaityn 16 mln. teńgege deiin shaǵyn nesie berý qarastyrylǵan. 2017 jyly shaǵyn nesiege 1 054,2 mln. teńge qarjy bólingen. Oblysta jastar praktikasyna 546 adam jiberilse, áleýmettik jumys oryndaryna 620 adamdy ornalastyrmaq.
