Pavlodarda 20 jyl buryn RF Perm qalasynda boijetkendi óltirgen 46 jastaǵy qylmysker ustaldy. Ol óziniń tegindegi bir áripti ózgertip, qashyp júrgen, dep habarlaidy QazAqparat.
«Politseiler Pavlodar qalasynda 46 jastaǵy qylmyskerdi ustady. Ol Resei Federatsiiasy Perm qalasynda adam óltirdi dep aiyptalǵan. Belgili bolǵandai, 2001 jyly er adam boijetkendi óltirip, qylmys jasaǵannan keiin Pavlodar qalasyna kelgen. Qylmysker ailaker jáne qý bolyp shyqty: onyń tegindegi bir áripti ádeii ózgertip alǵany anyqtaldy», - dedi Pavlodar oblystyq politsiia departamenti bastyǵynyń orynbasary Eldar Ábdikenov.
25 qyrkúiekten 1 qazanǵa deiingi aralyqta Pavlodar oblysynda politsiia Qazaqstannan tys jerlerde jasyrynyp júrgen qylmyskerlerdi izdeýdiń tiimdiligin arttyrý boiynsha «Izdeý» operatsiiasyn júrgizýde, dep atap ótti Pavlodar oblystyq politsiia departamentinen.
«Pavlodar oblystyq jedel qyzmetkerleri aýyr qylmys jasaǵany úshin izdeý salynǵan 5 qylmyskerdi ustady. Buryn iz-túzsiz joǵalyp ketken eki azamattyń qaida ekeni anyqtaldy», - dedi E. Ábdikenov.
Tártip saqshylary 19 jyl boiy óz elinde jazasyn óteýden qashyp júrgen 52 jastaǵy Qyrǵyzstan azamatynyń mekenjaiyn anyqtady.
«Qaraǵandy oblysyndaǵy áriptestermen birge Jezqazǵan qalasynda 25 jastaǵy pavlodarlyqty ustadyq. Ol Pavlodarda urlyq jasaǵany úshin kúdikke ilingen. Ol Jezqazǵandaǵy ýaqytsha ustaý oqshaýlaǵyshyna qamaldy», - dep habarlady departamenttiń baspasóz qyzmetinen.
Pavlodar oblysynyń politseileri jyl basynan beri sot pen tergeýden qashyp júrgen 74 qylmyskerdi ustady, dedi vedomstvodan.
