1991 jyly elimizdiń halqy úshin jańa dáýirdiń basy boldy. Bul týraly QR Tuńǵysh Prezidenti – Elbasy Nursultan Nazarbaev aitty, dep habarlaidy QazAqparat.
«Biyl Qazaqstan Táýelsizdiginiń 30 jyldyǵyn atap ótetin jyl bolyp otyr. 1991 jyly elimizdiń halqy úshin jańa dáýirdiń basy boldy. Bul – bostandyq, ata-babamyzdyń tarihi mekeninde erkin ómir súrý, jańa memleket qurý, onyń taǵdyry úshin jaýapkershilik alý ýaqyty boldy. Sonyń barlyǵyn ózimiz basymyzdan keshirip, kózimizben kórdik. Endi mine, biyl sol 30 jyldyqty atap ótemiz. 30 jyl buryn kópultty, kópkonfessiialy halqymyz elimizdegi birlikke, beibitshilik pen kelisimge qarai jyljý úshin taǵy bir irgeli tańdaý jasady», - dedi QHA-nyń HHIH sessiiasyn ashqan Elbasy.
QR Tuńǵysh Prezidentiniń atap ótýinshe, osy ýaqytqa deiin júrip ótken joldyń, ulttyq damýdyń strategiialyq formýlasynyń durystyǵy men tiimdiligin senimmen aitýǵa bolady.
«Bul eń aldymen memlekettilik qurylysy úshin barynsha qolaily jaǵdai jasaýǵa múmkindik berdi jáne qazirgi zamanǵy Qazaqstannyń bet-beinesin qalyptastyrýǵa qýatty resýrspen qamtamasyz etti. Osy rette basty kamerton qyzmetin «Biz,ortaq tarihi taǵdyr biriktirgen Qazaqstan halqy» degen sózben bastalatyn Konstitýtsiiamyzdyń preambýlasy atqara alady. Bul sóilemniń máni óte mańyzdy. Óitkeni, Konstiýtsiiany jazý barysynda oǵan óte mańyzdy mán bergen edim. Ata zań ultyna senimine nemese tiline qaramastan barlyq otandasymyzdyń ortaq múddesin bildiredi. Konstitýtsiiamyzdyń 11 baby memleketimizdegi birlikti, beibitshilik men kelisimdi bekitedi, qorǵaidy jáne nyǵaitady. Elimizde tiline, dinine, ultyna bailanysty belgiler boiynsha qandaida bir kemsitýshilike tyiym salynady», - dedi Nursultan Nazarbaev.
