Parijde Rolan Garros týrniriniń finalynda áielder arasynda amerikalyq Sofiia Kenin men Polsha ókili Iga Shventek bas júldeni sarapqa saldy, dep habarlaidy "Ult aqparat".
raliia ashyq chempionatynda jeńimpaz atanǵan S.Kenin álemniń 6-raketkasy bolsa, reitingte 53- orynda turǵan qarsylasy ondai tabysqa qol jetkizip kórmegen edi.
Nebári 19 jastaǵy I.Shventektiń osy Frantsiia ashyq chempionatynda juldyzy jarqyrai jandy. Ol sońǵy básekege deiin birde-bir setti berip kórgen joq. Sonyń ishinde álemniń ekinshi, osy jarystyń 1-raketkasy, rýmyniialyq Simona Halepti 6:1, 6:2 esebimen joldan taidyrdy.
Iga finaldyq básekeni de sátti bastap, 3:0 esebimen alǵa ketti. Sofiia tarazy basyn teńestirgenimen, qaitadan 5:3-ke jetkizdi. Budan keiin qarsylasy esepti qysqartqanymen, poliak qyzy taǵy bir breikpen túiindedi – 6:4.
Ekinshi sette I.Shventek óte sátti oinap, esepti 5:1-ge jetkizdi. Sodan keiin matchqa dop bergende, qatelesken joq – 6:1.
Osylaisha 19 jastaǵy tennisshi óz elinen alǵashqy bolyp «Úlken dýlyǵa» týrnirinde chempiondyq ataqqa qol jetkizdi.
Finalda da tamasha óner kórsetken ol qarsylasyna birde-bir setti bermedi.
Rolan Garros týrnirinde qazaqstandyq tennisshiler alysqa uzaǵan joq. Aleksandr Býblik álemniń 9-raketkasy, frantsiialyq Gael Monfisti utqanymen, ekinshi kezdesýinde jeńilip qaldy. Mihail Kýkýshkin, Iýliia Pýtintseva, Elena Rybakina da ekinshi ainalymnan asa almady. Al Zarina Diias bastapqy matchynda-aq qarsylasyna ese jiberdi.
Iu.Pýtintsevany utqan álemniń 151-raketkasy, argentinalyq Nadia Podoroska aidy aspanǵa shyǵaryp, jartylai finalǵa deiin jetti. Sodan keiin ǵana I.Shventekke tosqaýyl qoia almady.
Erler arasynda Rolan Garros týrniriniń finalynda jeksenbi kúni álemniń birinshi jáne ekinshi raketkalary, serbiialyq Novak Djokovich pen ispaniialyq Rafael Nadal sheberlik baiqasady. Buǵan deiin R.Nadal Frantsiia ashyq chempionatyn 12 márte utyp, rekord jasaǵan edi.
