Merkide kóz jumǵan jas kelinniń qazasyna qatysty taǵy birneshe kórshi pikir bildirdi, dep habarlaidy ult.kz.
Madina Rashidqyzy týraly aýyldaǵy kórshisi sóz qozǵady. Videony jýrnalist Aigerim Taýbai jariialady.
«Ekeýi qol ustasyp-aq júrgen. Kelinniń qurbysy kelip, qonyp júrdi. Sodan kelinniń minezi, túri basqasha bola bastady. Eliktedi me… Bala tapsa da balalyǵyn qoimaǵan jas kelin ǵoi», - dedi ol.
Aita keteiik, Jambyl oblysynyń Merki aýdanynda 19 jastaǵy Madina Rashidqyzynyń ólimine qatysty jańa málimetter paida boldy. Qazir bul is boiynsha tergeý júrip jatyr.
Madina Ózbekstan azamaty bolǵan. Ol Qazaqstan azamatyna turmysqa shyǵyp, Merki aýdanynda kúieýimen birge shamamen eki jyl turǵan. Artynda segiz ailyq sábii qalǵan.
Buǵan deiin marqumnyń qurbysyna jazǵan habarlamalary jariialanǵan edi. Onda Madina kúieýimen jii janjaldasatynyn, tipti onyń qol kótergenin aitqan. Sońǵy janjaldyń bir «Barni» táttisine bailanysty bolǵanyn jazǵan. Keiin ol zattaryn jinap, kúieýinen ketip, ajyrasqysy keletinin qurbysyna jetkizgen.
Madinanyń ólimine qatysty Jambyl oblysynyń politsiiasy ózin-ózi óltirýge deiin jetkizýderegi boiynsha sotqa deiingi tergeý bastaǵan. Alaida marqumnyń týystary onyń ólimine kúmán keltirip, isti jan-jaqty tekserýdi talap etip otyr.
Áleýmettik jelide Madinanyń kúieýi tarapynan zorlyq-zombylyq bolǵany týraly túrli málimetter taraǵanymen, olardyń birqatary ázirge resmi túrde rastalǵan joq. Sondyqtan oqiǵanyń naqty mán-jaiy men ólim sebebi tergeý nátijesinde anyqtalýy tiis.
