QR Aqparat jáne kommýnikatsiia ministrliginiń ókilderi keshe, 16 jeltoqsanda áleýmettik jelilerdiń nelikten ashylmai qalǵanyn aitty, - dep habarlaidy "Ult aqparat".
Vedomstvo ókilderiniń aitýynsha, jelilerge kire almaýdyń sebebi tehnikalyq aqaý bolǵan. "Keshe bailanys operatorlarynyń telekommýnikatsiialyq jelilerinde apat aqaýy boldy. Túnde jumys qaita qalpyna keltirildi", - dep habarlady resmi ókil Arsen Bektasov.
Aita keteiik, 16 jeltoqsanda keshki ýaqyttan bastap qazaqstandyqtar Jelilerge qosyla almady. Kóptegen qoldanýshy áleýmettik jelirge, naqtyraq aitsaq, Facebook, Vk.com, Telegram, You Tube, Twitter, Instagram, Google jelilerine kire almai otyrǵanyn aityp, shaǵymdanǵan edi.
Al keiin QR Aqparat jáne kommýnikatsiia ministrliginiń ókilderi áleýmettik jelilerdiń ashylmai turǵanyna qatysty pikir bildirgen bolatyn. Vedomstvonyń resmi ókili Arsen Bektasovtyń aitýynsha, Taiaý ýaqytta barlyq aqaý jóndelip, jumys qaita jandanady. "Keibireý jelilerge kire alady, al bireýleri kire almai otyr. Bul tehnikalyq aqaý", - degen edi ol.
Al túnde áleýmettik jeliler ishinara ashyla bastady. Qazaqstandyqtar Instagram, Facebook jelilerine kire aldy. Alaida tikelei Internet jelisi arqyly qosylýda kedergiler boldy. Uialy internetten atalǵan saittarǵa kirýge múmkindik boldy. Aita keteiik, Qazastanda Egov.kz elektrondy úkimet jáne "Qazaqtelekom" AQ saittaryna kirý múmkin bolmaǵan.
