Shamalǵanda poiyzben soqtyǵyspai turyp, jolaýshylar avtobýsynyń ishinen 16 adam shyǵyp úlgergen. Bul týraly OQK-daǵy brifingte Ishki ister ministri Erlan Turǵymbaev aitty, dep habarlaidy QazAqparat.
«Máseleniń mán-jaiy anyqtalyp jatyr. Aldyn ala málimet boiynsha, avtobýs kepteliste turyp qalǵan. Júrgizýshi poiyzdy kórip, artqy esigin ashqan. 16 adam avtobýstan syrtqa shyǵyp úlgergen. Avtobýs júrgizýshisi oqiǵa ornynda kóz jumdy. Qalǵan úsh adam Qarasai aýdandyq aýrýhanasyna aýyr kúide», - dedi Erlan Turǵymbaev.
Eske sala ketsek, keshe Shamalǵan stantsiiasynda poiyz ben avtobýs soqtyǵysqan bolatyn. Aldyn ala boljam boiynsha, avtobýs temir joldyń relsine shyǵyp ketken.
Oqiǵa ornynda avtobýs júrgizýshisi mert bolyp, taǵy 3 adam Qarasai aýdandyq aýrýhanasynyń jansaqtaý bóliminde jatyr. Onyń ekeýi bala.
Qazir atalǵan fakti boiynsha QR QK 345-babynyń 3-tarmaǵy boiynsha is qozǵalyp, tergeý júrip jatyr. Istiń tergelýin Bas kóliktik prokýratýra óz baqylaýyna aldy.
