El aýmaǵynda tótenshe jaǵdai jáne jekelegen qalalarda karantin rejimi engizilgen sátten bastap Qazaqstandaǵy temirjol qozǵalysy ýaqytsha toqtatyldy, dep habarlaidy QazAqparat.
Bul týraly QR Indýstriia jáne infraqurylymdyq damý ministri mindetin atqarýshy Qaiyrbek Óskenbaev aityp berdi.
Ministrlik quzyryna qaraityn temirjol kóligi boiynsha, buryn 157 jolaýshylar jáne qala mańy poiyzdary qatynaityn. Olardyń da jumysy tolyq toqtatyldy. Qazirgi ýaqytta temirjol sharýashlyǵy qyzmetkerlerin, jumysshylardy tasýǵa arnalǵan 24 poiyz ǵana qaldy», - dedi Q. Óskenbaev Ortalyq kommýnikatsiialar qyzmetinde ótken brifingte.
Sonymen birge, vedomstvo ókili temirjol boiynsha júk tasityn kólikterge shekteý qoiylmaǵanyn eske saldy.
«Odan bólek, jergilikti ákimdikterge qaraityn avtokólik boiynsha, syrttan keletin jáne ishki marshrýttaǵy avtobýstardy toqtattyq. Kólikter jumysy jergilikti ákimdikke qaraidy. Sondyqtan olarǵa óz pikirimizdi jiberip, saparjailardy ýaqytsha toqtatýdy usynyp jatyrmyz», - dedi ol.
