15 myń telesabaq túsiriledi. Bul týraly muǵalimderdiń qatysýymen onlain rejimde ótken konferentsiiada Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
Ministr qashyqtan oqytý kezinde úsh myńnan astam telesabaq daiyndalǵanyna toqtala kele, «Shynymen de eleýli jumystar atqaryldy. Qazir taǵy da 15 myń telesabaqty túsirýdi josparlap otyrmyz, sebebi bizge bolashaqqa daiyndalý kerek. Pandemiianyń ekinshi nemese úshinshi tolqyny bolmasa da, sabaq ótkizilmeitin aiazdy kúnder kezdesedi. Sonymen qatar qysta joldyń jabylýyna bailanysty tiisti merzimde balalar oqi almaityn jaǵdailar da týyndaýy múmkin. Osyndai kútpegen jaǵdailar kóptep kezdesedi», - dedi.
Osy oraida A. Aimaǵambetov telesabaqtar bilim berý úshin jaqsy tásil ekenin atap ótti.
«Jalpy, televiziialyq formatta daiyn bolýy úshin biz oqý jylynyń tutas tórt toqsanyndaǵy sabaqtardy túsirýdi jón sanadyq. Qazir arnaiy alańdy daiarlap jatyrmyz, onda árbir muǵalim óziniń sabaqtaryn tiisti talaptarmen túsirý múmkindigine ie bolady», - dedi ministr.
Budan buryn habarlanǵandai, ministr telesabaqtardy daiarlaýǵa belsendi qatysqan muǵalimderdi marapattady.
