Foto: Tengrinews.kz
Májilis depýtaty Zákirjan Kúziev Almaty oblysyndaǵy jer máselesin qozǵady. Ol qarapaiym halyq jer telimine qoljetkize almai otyrǵanyn aitty, - dep habarlaidy Tengrinews.kz.
Kúziev jer máselesi Almaty jáne Jetisý oblystarynyń turǵyndarymen kezdesýlerde jii kóteriletinin aitty.
"Shaǵyn adamdar toby shabyndyqtar men orman alqaptaryn tolyǵymen alyp, qalaǵanyn istep jatqandyǵy narazylyq týdyrady. Bul - týǵan jerdiń ár bóligin qasietti sanaityn halyqtyń ashý-yzasyn týǵyzady.
Kegen, Narynqol qalalarynda boldyq. Eger Narynqoldy alatyn bolsaq, 415 myń gektar jer 20 adamǵa tiesili. Kegende 512 myń gektar 11 qojaiynǵa tiesili. Uiǵyr aýdanynda ańshylyq jasaityn alqaptardyń 97 paiyzyn alty adam jalǵa alǵan. Bul - shamamen 415 myń shaqyrym jer. Tek Almaty oblysynyń osy úsh aýdanynda búginde bir jarym million gektar jer 30 adamnyń qolynda", - dedi depýtat ekologiia, geologiia jáne tabiǵi resýrstar ministri Serikqali Brekeshevke joldaǵan saýalynda.
