Foto: ©️ Tengrinews.kz
Ishki ister ministri Erjan Sádenov Almatyda burynǵy politsiia qyzmetkerleri jasóspirimdi zorlady degen kúdikpen ustalǵanyn rastady, - dep habarlaidy "Ult aqparat".
"Almatyda eki politsei 14 jastaǵy jasóspirim qyzdy zorlady degen aqparatty rastai alasyz ba? Bul ras bolsa, kúdiktiler ustaldy ma?" - dep surady jýrnalister Májilis kýlýarynda.
"Ókinishke qarai, mundai derektiń bolǵany ras. Bul qylmysty burynǵy qyzmetkerler jasady. Osy jaǵdaidan soń birden qyzmettik tekseris júrgizilip, tártiptik komissiianyń otyrysy ótkizildi jáne atalǵan adamdar jaǵymsyz sebeptermen jumystan shyǵaryldy. Olar qylmystyq is sheńberinde qamaýǵa alyndy", - dedi Sádenov.
Ministrdiń aitýynsha, qazirgi ýaqytta tekserý amaldary júrgizilip jatyr.
Bul rette IIM basshysy "politseiler qylmys jasaǵan kezde quqyq qorǵaý organdary qatarynda qyzmet etti me?" degen suraqqa da jaýap berdi.
"Iá, rastaimyn", - dedi Erjan Sádenov.
Aita keteiik, kúdiktilerdiń kinási dáleldense, Qylmystyq kodekstiń 120-babynyń 2-bóligi ("Zorlaý") boiynsha 9 jyldan 12 jylǵa deiin bas bostandyǵynan aiyrylýy múmkin.
