14 jastaǵy jambyldyq qari Dýlat Qalyǵulov Túrkiia memleketinde ótken halyqaralyq Quran oqý saiysynda dara shyǵyp, «Altyn belgi» atalatyn bas júldege ie boldy, dep habarlaidy "Ult aqparat".
11 jasynda Qurandy jattaǵan Dýlat qari 14 jasynda elge tanylyp otyr.
Allanyń kálámi bolǵan Quran Kárimdi jattap shyǵý ekiniń birine buiyra bermeidi. Mektepke barmastan, alty jasynda arabsha árip tanyǵan Dýlat - úidegi bes balanyń ortanshysy. Ákesi, Dýlatty toǵyz jasynda Bangladesh memleketiniń astanasy Doha qalasyndaǵy qarilyq medresege bergen.
Quran oqý jarysyna Mysyr, Siriia, Bahrein, Saýd Arabiiasy, Iemen, Indoneziia, Malaiziia syndy alpaýyt memleketterden kelgen 600-den astam úmitker qatysqan. Áleýmettik deńgeige ie «altyn belgini» qanjyǵaǵa bailaýdyń sharttary da ońai bolmaǵan. Al, Dýlattyń anasy Sáýle Shalbulova quran jattaǵandaǵy nietimiz mundai jarystarǵa qatysý úshin emes, bári de bir Allanyń razylyǵy úshin deidi. Saiys sharty boiynsha qatysýshy mamandardyń aldynda 12 suraqqa jaýap berip, Allanyń Kálámin kez kelgen jerinen múdirmei oqyp, aiattyń tarihyna deiin bilý kerek-ti. Synnan súrinbei ótip, naqty tolyq 100 upaidy jinaǵan qatysýshylar ǵana osy ataqqa ilinbek. Mine, dál osy «altyn belgini» 630 qatysýshynyń arasynan 10 bala ielense, sonyń biri - Dýlat.
Atalǵan qurmet gramotasyn Túrkiia eliniń ministri tabystap, jyly lebizin bildirdi. Sonymen qatar jeńimpazdardyń ishinen Dýlat Qalyǵulov Túrkiiadaǵy «Hilaliye erkek Kur'an Kursu» ashylý saltanatyna arnaiy shaqyryldy.
Osy mártebesine orai oblystyq «Hibatýlla Tarazi» meshitinde jas qarige arnaiy qurmet kórsetildi. Kópshilik jas qariǵa shyn júrekten qurmetin jetkizip, elimizde bilimdi qarilardyń kóp bolýyn tilep, bata berdi.
