14 jasqa deiingi balalar Qazaqstan ishinde ushaqpen tegin ushýǵa múmkindik aldy, dep habarlaidy "Ult aqparat".
«Iá, ata-analarymen birge el ishinde saiahattaityn 14 jasqa deiingi jáne 14 jasqa tolǵan balalar ushaqpen tegin qatynai alady. Bul rette ata-analardyń bireýi tek 2 balany ǵana tegin alyp júre alady. Sheteldik balalarǵa mundai jeńildik júrmeidi. Bul tek qazaqstandyqtarǵa ǵana qatysty», - dedi QR Sport jáne mádeniet ministrligi Týrizm indýstriiasy komitetiniń tóraǵasy Dastan Rysbekov.
