Qazaqstanda vaktsinatsiiadan bas tartqany úshin ólim jazasyn engizý josparlanyp otyrǵany týraly habarlamalar Qaznetti dúrliktirdi. Jańa «Biologiialyq qaýipsizdik týraly» zań jobasy paidalanýshylarda osyndai oi týdyrdy. Shyn máninde onda ólim jazasy týraly aitylmaǵan, dep habarlaidy "Ult aqparat" stopfake.kz saityna silteme jasap.
Sanitarlyq-epidemiologiialyq baqylaý komiteti vaktsinatsiiadan bas tartqany úshin joǵary jazalaý sharasyn qoldaný týraly aqparatty joqqa shyǵardy.
– Áleýmettik jelilerde taratylyp jatqan, belgilengen jumys erejelerin buzǵany úshin ólim jazasyna qatysty aqparattyń negizi joq. Esterińizge sala keteiik, aǵymdaǵy jyldyń qańtar aiynda Qazaqstan Respýblikasynyń Prezidenti Q.Toqaev eń joǵary jaza sharasy – ólim jazasyn alyp tastaityn zańǵa qol qoidy. Qazaqstan azamattarynan áleýmettik jeliler men messendjerlerde taratylatyn kúmándi aqparatqa senbeýlerin suraimyz, – dep atap ótti vedomstvonyń resmi ókili Erjan Baitanaev.
Komitettiń habarlaýynsha, zań jobasyn ázirleýge zerthanalarda ǵylymi jáne diagnostikalyq zertteýlermen ainalysatyn, sondai-aq asa qaýipti patogendermen jáne aýrý týdyratyn mikroaǵzalarmen jumys isteitin mamandardy áleýmettik, quqyqtyq jáne biologiialyq qorǵaý qajettiligi negiz bolǵan.
«Zań jobasy halyqaralyq tájiribeni eskere otyryp ázirlendi jáne eldiń barlyq halqyn mindetti túrde vaktsinatsiialaýdy kózdemeidi. Alaida, onda jumysy asa qaýipti infektsiialardy diagnostikalaýmen, olardyń qasietterin zertteýmen, sondai-aq infektsiialyq oshaqtardaǵy jumystarmen bailanysty mamandardy vaktsinatsiialaý týraly aitylady. Olarǵa asa qaýipti patogendermen jumys isteý jónindegi zerthanalardyń, obaǵa qarsy stantsiialardyń, veterinariialyq qyzmettiń jáne basqalardyń qyzmetkerleri jatady», – delingen sanitariialyq-epidemiologiialyq baqylaý komitetiniń habarlamasynda.
Sondai-aq, zań jobasynda patogendi biologiialyq agenttermen, infektsiialyq aýrýlardyń, onyń ishinde asa qaýipti infektsiialardyń qozdyrǵyshtarymen jumys isteý qaǵidalaryn buzǵany úshin jaýapkershilik qarastyrylǵan.
Sarapshylardyń pikirinshe, zań jobasy búkil Qazaqstan halqynyń jáne táýekeli joǵary aimaqtarda jumys isteitin mamandardyń qaýipsizdigin qamtamasyz etýge septigin tigizedi.
Sonymen qatar, Sanitarlyq-epidemiologiialyq baqylaý komiteti QR Qylmystyq kodeksiniń 274-babyna sáikes kórineý jalǵan aqparat taratqany úshin 1000 AEK-ke deiingi mólsherde aiyppul salý ne 1 jylǵa deiingi merzimge bas bostandyǵyn shekteý nemese aiyrý jazasy qarastyrylǵanyn eske saldy.
