Jelide Islam Kárimovti eske alý beinebaiany paida boldy. Ony YouTube hostingine "Fergana.rý" aqparat agenttigi jariialady, dep jazady kaz.tengrinews.kz.
Agenttiktiń málimetinshe, Ózbekstan prezidentin eske alý qurmetine arnalǵan ándi marqumnyń úlken qyzy Gúlnara Kárimova aitty delinedi. Videorolik 1991 jyldyń 31 tamyzynda túsirilgen arhiv kadrlarynan jasalǵan, osy jyly Ózbekstanda táýelsizdik jariia etilgen bolatyn.
Úlken qyzy Gúlnara Kárimova qoǵam belsendisi bolyp, zergerlik buiymdardyń dizainymen ainalysyp, Gooogoosha laqapatymen án de aityp júrdi. Sonymen qatar, ol saiasatqa da biraz aralasty. 2013 jylǵa deiin sarapshylar ony ákesiniń murageri bolýy múmkin ekenin aitqan. Gúlnara birinshi jubaiymen AQSh-ta on jylǵa jýyq ýaqyt turǵan. Niý-Iorkte sán men dizaindy oqyǵan. Garvard ýniversitetinde oqyp, dáreje de alǵan. 2010 - 2012 jyldary Ispaniiada elshi qyzmetinde bolǵan. Alaida 2012 jyldan bastap ol 10 elde, onyń ishinde týǵan jeri Ózbekstanda ótkizilgen sybailas jemqorlyqqa qarsy zertteýlerdegi iste figýranttardyń biri boldy.
© bbc.com
Al osyǵan deiin Ózbekstan prezidentiniń kishi qyzy Lola Kárimova-Tilliaeva Instagram jelisinde ákesiniń qaitys bolǵanyn málimdedi. "Ol bizdi tastap ketti... Sóz tańdap otyryp, ózim sene alar emespin", - dep jazdy ol áleýmettik jelidegi resmi akkaýntynda.
Eske salaiyq, Ózbekstan prezidenti Islam Kárimov 78 jasynda qaitys boldy. Al, jerleý rásimi Samarqanda 3 qyrkúiekte ótedi. Prezidenttiń qazasyna bailanysty Ózbekstanda úsh kúnge qaraly kún jariialanady. Elbasy Nursultan Nazarbaev Ózbekstan Respýblikasynyń Prezidenti Islam Kárimovtiń qaitys bolýyna bailanysty Ózbekstan Respýblikasy Olii Májilisi Senatynyń tóraǵasy Nigmatilla Iýldashevke kóńil aitý jedelhatyn joldaǵan bolatyn. Konstitýtsiiaǵa sáikes, prezidenttiń mindetin ýaqytsha oryndaýshy - Ózbekstan Respýblikasynyń Olii Májilisiniń Senat tóraǵasy Nigmatilla Iýldashev.
