Toprichests.com basylymy álemdegi eń bai adamdardyń tizimin jasai otyryp, Qazaqstandaǵy eń bai on sportshynyń tizimin jariialady, - dep habarlaidy Vesti.kz.
Tizimge sáikes, Qazaqstandaǵy eń bai sportshy kásibi boksshy Gennadii Golovkin bolyp shyqty. Onyń bailyǵy 8,5 million dollarǵa baǵalanyp otyr.
Al tizimniń ekinshi ornynda burynǵy boksshy Vasilii Jirov tur. 1996 jyly ótken Olimpiada oiyndary chempionynyń bailyǵy shamamen 8,1 million dollar eken.
Tizimniń úshinshi ornynda burynǵy hokkeishi Nikolai Antropov turaqtady. Onyń bailyǵy 7,6 million dollarǵa baǵalandy.
Al fýtboldan Qazaqstan quramasy men "Ordabasy" komandasynyń kapitany Samat Smakov (7,5 million dollar) tizimde tórtinshi bolyp tursa, Olimpiada chempiony Baqtiiar Artaev (6,9 million dollar) besinshi bolyp tur. Sondai-aq, reitingtegi altynshy jáne jetinshi oryndarda tennisshiler Iaroslava Shvedova (5 million dollar) men Galina Voskoboeva (4,3 million dollar), segizinshi orynda hokkeiden Qazaqstan quramasynyń qaqpashysy Vitalii Kolesnik (3,5 million dollar), toǵyzynshy jáne onynshy oryndarda burynǵy fýtbol oiynshylary Andrei Karpovich (3,3 million dollar) pen Rýslan Baltiev (2,8 million dollar) tur.
