Aqmola oblystyq sotynyń qylmystyq ister jónindegi sot alqasy Tselinograd aýdanynda turatyn 12 jasar qyz balany zorlady degen kúdikke ilingen er adamǵa qatysty aqtaý úkiminiń kúshin joidy, dep habarlaidy "Ult aqparat".
Aqmola oblystyq sotynyń baspasóz qyzmetinen málim etkendei, qylmystyq ister jónindegi sot alqasynyń qaýlysy boiynsha Aqmola oblysynyń qylmystyq ister jónindegi mamandandyrylǵan aýdanaralyq sotynyń er adamǵa qatysty shyǵarǵan aqtaý úkiminiń kúshi joiylyp, qylmystyq is sol sotqa basqa quramda qaita qaralýǵa jiberildi.
«Sot alqasy jábirlenýshiniń zańdy ókiliniń apelliatsiialyq shaǵymyn jáne prokýrordyń Aqmola oblysynyń qylmystyq ister jónindegi mamandandyrylǵan aýdanaralyq sotynyń shyǵarǵan úkimine qatysty narazylyǵyn qanaǵattandyrdy.
2021 jyldyń 8 maýsymynda Aqmola oblysynyń qylmystyq ister jónindegi mamandandyrylǵan aýdanaralyq sotynda alqabiler soty azamat K.-ǵa kishkentai jastaǵy balany zorlaý isi boiynsha aqtaý sheshimin shyǵardy. Er adam alqabiler shyǵarǵan sheshimniń negizinde Qylmystyq kodekstiń 120-babynyń 4-bóligi («Kishkentai balany zorlaý») boiynsha qylmystyq quqyqbuzýshylyqpen bailanysty oqiǵanyń bolmaýy sebebimen aqtalyp shyǵaryldy.
Úkimniń shyǵarylmaýyna alqabiler alqasyn qurýda jáne is boiynsha aiǵaq dálelderdi zertteý kezinde protsessýaldyq zańnyń aitarlyqtai buzylýy sebep bolǵan», - dep atap ótti Aqmola oblystyq sotynyń baspasóz qyzmetinen.
Buǵan deiin Aqmola oblysynda 12 jasar qyz bala 2019 jyldyń jeltoqsanynan 2020 jyldyń maýsym aiyna deiin seksýaldyq zorlyqqa ushyraǵany týraly habarlanǵan bolatyn. Ony 25-26 jastaǵy jergilikti úsh er adam zorlap kelgen. Bala zorlady degen kúdikke ilingenderdiń birin alqabiler soty aqtap shyǵarsa, istiń taǵy eki qatysýshysy bas bostandyǵynan aiyrý jazasyna kesildi.
