«Baqytty otbasy» baǵdarlamasy boiynsha ótinimder 12 sáýirden bastap qabyldanady, dep habarlaidy "Ult aqparat" «Otbasy bankiniń» jelidegi paraqshasyna silteme jasap.
Taratylǵan málimetke qaraǵanda, baǵdarlamaǵa kópbalaly otbasy, múmkindigi shekteýli bala tárbielep otyrǵan otbasy, tolyq emes otbasy (ajyrasqan ýaqyty 3 jyldan kem bolmaýy tiis) sanattary boiynsha memlekettik páter kezegine turǵan Otbasy bankiniń salymshylary qatysa alady.
«Endi joldama alý úshin ákimshilikke barýdyń qajeti joq. Biyldan bastap ótinimder onlain qabyldanatyn bolady. Kelesi posttarda biz bul týraly tolyǵyraq aitatyn bolamyz», - delingen habarlamada.Baǵdarlamaǵa sharttary:- Nesie mólsherlemesi jyldyq 2%;- Bastapqy jarna - 10%.
«Talaptarǵa sai, jeńildetilgen zaem alý úshin ár otbasy múshesine keletin tabys mólsheri sońǵy alty aida ai saiyn 3,1 eń tómengi kúnkóris deńgeii, iaǵni, 106 336 teńgeden aspaýy qajet. Iaǵni, buǵan deiin osy talapqa sai kelmegen otbasylar osy jyly baǵdarlamaǵa qatysyp, qonys toiyn toilai alady», - dep atalyp ótken taratylǵan málimette.
