2030 jylǵa deiin elimizde apattyq jaǵdaida turǵan 29 sý qoimasy kúrdeli jóndeýden ótip, 39 jańa sý qoimasy salynady, dep habarlaidy QazAqparat.
Bul týraly halyq aldynda eseptik kezdesýinda Ekologiia, geologiia jáne tabiǵi resrýrstar ministri Maǵzum Myrzaǵaliev aitty,
«Memleket basshysy sýarmaly jer kólemin búgingi 1,6 mln gektardan 2030 jylǵa qarai 3 mln gektarǵa deiin ulǵaitýdy tapsyrǵan. Byltyr 813 shaqyrym kanal jóndelip, 53,5 myń gektar sýarmaly jer ainalymǵa engizildi. Bul qosymsha 26 myń jumys ornyn qurýǵa jáne aýyl sharýashylyǵy óniminiń kólemin jyl saiyn 30 mlrd teńgeden astam somaǵa ulǵaitýǵa múmkindik beredi. Biyl sýarmaly jer 78 myń gektarǵa artady», - dedi vedomstvo basshysy.
Ministrdiń sózine qaraǵanda 2025 jylǵa deiin sýarmaly jerlerdiń aýdanyn 2,2 mln gektarǵa deiin jetkizý josparlanǵan. Ol úshin aldaǵy 5 jyl ishinde jalpy uzyndyǵy 4,5 myń shaqyrymnan asatyn arnalardy qaita jańartý qajet.
«Bul aýyldy jerde 120 myń jumys ornyn qurýǵa jáne jyl saiyn 510 mlrd teńgeniń ónimin ósirýge yqpal etedi. Budan basqa, 41 apatty sý qoimalaryn qalpyna keltirý kózdelgen. Onyń ishinde 2017-2019 jyldary on 10 obekt paidalanýǵa berildi. Ótken jyly eki obekt daiyn boldy. Biyl segiz nysandy aiaqtaý josparlanýda. Qalǵan jiyrma bir 21 nysan 2025 jylǵa deiin iske asyrylady», - deidi Mazum Myrzaǵaliev.
