Foto: ashyq derekkóz
2025 jyldyń 11 tamyzynan bastap Business.enbek.kz portalynda 2-lek boiynsha jańa biznes-ideialardy iske asyrýǵa arnalǵan qaitarymsyz granttar alýǵa ótinimder qabyldanady, dep habarlaidy Ult.kz.
🔹 Grant mólsheri – 400 AEK nemese 1 572 800 teńge. Ol bir ret beriledi jáne tek jańa biznesti bastaý men damytý maqsatynda qoldanylady.
🔹 2-lek boiynsha respýblika kóleminde 4 873 adamǵa grant beriledi.
Ótinim berý tártibi:
– Portalda tirkelý
– Grant sharttaryna sáikestigin tekserý
– Biznes-jospar úlgisin toltyrý
– Ótinishti ETsQ arqyly rastaý
Internetke qoljetimdiligi joq azamattar mansap ortalyqtary men HQKO-lardyń ózine-ózi qyzmet kórsetý aimaqtarynda ótinim bere alady.
Kimder úmitker bola alady?
-
Tirkelgen jumyssyzdar
-
Jeke kásipkerler (tirkelgen merzimi 3 jylǵa deiin)
Sonymen qatar úmitkerler tómendegi áleýmettik sanattardyń birine jatýy tiis: -
Múgedektigi bar adamdar
-
Kópbalaly otbasy músheleri
-
Az qamtylǵan otbasy músheleri
-
Qandastar
-
Qonys aýdarýshylar
-
Múgedek balany tárbielep otyrǵan ata-ana
-
Asyraýshysynan aiyrylǵandarǵa arnalǵan járdemaqy alýshylar
Úmitkerde «Bastaý Biznes» jobasy boiynsha sońǵy 3 jyl ishinde berilgen oqý sertifikaty bolýy qajet.
Grantty nege jumsaýǵa bolady?
-
Qural-saimandar, jabdyqtar, tuqym, kóshet, mal, qus satyp alýǵa
-
Jai jaldaý aqysyna
Grant qarajatyn jer telimine, turǵyn úi satyp alýǵa, nesie jabýǵa jáne aktsizdeletin ónim óndirýge paidalanýǵa bolmaidy.
Qalai sheshim qabyldanady?
Aýdandyq/qalalyq komissiia úmitkerdiń biznes-josparyn myna kriteriiler boiynsha baǵalaidy:
-
Ideianyń básekege qabilettiligi
-
Ótkizý naryǵynyń naqtylyǵy
-
Qarjylyq ómirsheńdik
-
Jańa jumys oryndaryn qurý áleýeti
Komissiia sheshimi portaldaǵy jeke kabinetke joldanady. Oń sheshim qabyldansa, úmitker shartqa onlain qol qoiyp, esep berýin de elektrondy túrde tapsyrady.
