sýret: fingramota.kz
Qazaqstanda 1,1 millionnan asa adam bankrottyq týraly zań kómegimen qaryzynan qutyla alady. Bul týraly qarjy vitse-ministri Erjan Birjanov aitty, - dep habarlaidy Massaget.kz portaly.
"Búginde zań boiynsha (bankrottyq týraly. - esk.) kómek surai alatyn qazaqstandyqtardyń sany 1 million 170 myń adam bolýy múmkin, onyń ishinde 31 myń adam sot tártibi boiynsha ózin bankrot dep tani alady", - dep túsindirdi Birjanov Senat kýlýarynda.
Birjanovtyń aitýynsha, bul negizinen 5 million teńgege deiin nemese 1600 ailyq eseptik kórsetkishke (AEK) deiin qaryzy bar adamdar.
"Eger osyǵan qatysa alatyn ataýly áleýmettik kómek alýshylar týraly aitatyn bolsaq, búginde olar 37 myńǵa jetedi. Osy 37 myń ishinde 420 ataýly áleýmettik kómek alýshy (AÁK) sot bankrottyǵy rásiminen ótýi múmkin. Biraq bul problemalyq qaryzy bar adamdardyń eń kóp sany ekenin taǵy da aitamyn. Sonymen qatar, bizde ipotekalyq nesieler boiynsha problemalary bar adamdar bar, búginde olar - 5,5 myń, onyń ishinde myń adam halyqtyń áleýmettik osal toptarynan", - dep túsindirdi qarjy vitse-ministri.
