Niý-Iorkte qaterli isik, ishki qan ketý, sepsis, ispan tumaýynan aman qalǵan 102 jastaǵy Angelina Fridman búginde koronavirýsty da eki ret jeńdi, - dep habarlaidy Tengrinews.kz Report Door saityna silteme jasap.
Fridman 1918 jyly Italiiadan Niý-Iorkke immigranttardy alyp bara jatqan kemede dúniege kelgen, bul ispan tumaýy pandemiiasy órship turǵan kez edi. Birneshe jyl buryn áiel aýrýdan qaitys bolǵan kúieýimen bir ýaqytta qaterli isikke shaldyǵyp, dertin jeńip shyqty.
Onyń qyzy Djoan Merolanyń aitýynsha, Soltústik Vestchesterdegi qalpyna keltirý jáne meiirbike isi ortalyǵynda turatyn áielde COVID-19 da anyqtalǵan. Alǵash ret naýryzda aýrýhanaǵa kishigirim meditsinalyq protsedýra úshin jetkizilgen kezde juqtyrǵan. Keiin Fridman test teris nátije kórsetpeiinshe birneshe apta virýspen kúresken.
Alǵashqy COVID-19 diagnozynan alty ai ótken soń, qarttar úiiniń turǵyndary men qyzmetkerleri jappai aýyryp, áiel qaitadan virýs juqtyrǵan. Al 17 qarashada saýyǵyp shyqqan.
"Anam aman qaldy. Onyń kezinde balasy da túsip qalǵan, ishtei qan ketken, qaterli isikti de jeńdi. Ol "adam" emes. Onyń DNQ-sy erekshe", - deidi qyzy Djoan Merola anasynyń ómirge degen qushtarlyǵyn atap ótip.
Buǵan deiin 125 jasynda 400 nemere men shóbere ósirip otyrǵan Túrkiia turǵyny da koronavirýsty jeńgeni habarlanǵan bolatyn.
