نيۋ-يوركتە قاتەرلٸ ٸسٸك, ٸشكٸ قان كەتۋ, سەپسيس, يسپان تۇماۋىنان امان قالعان 102 جاستاعى انگەلينا فريدمان بٷگٸندە كوروناۆيرۋستى دا ەكٸ رەت جەڭدٸ, - دەپ حابارلايدى Tengrinews.kz Report Door سايتىنا سٸلتەمە جاساپ.
فريدمان 1918 جىلى يتالييادان نيۋ-يورككە يمميگرانتتاردى الىپ بارا جاتقان كەمەدە دٷنيەگە كەلگەن, بۇل يسپان تۇماۋى پاندەميياسى ٶرشٸپ تۇرعان كەز ەدٸ. بٸرنەشە جىل بۇرىن ەيەل اۋرۋدان قايتىس بولعان كٷيەۋٸمەن بٸر ۋاقىتتا قاتەرلٸ ٸسٸككە شالدىعىپ, دەرتٸن جەڭٸپ شىقتى.
ونىڭ قىزى دجوان مەرولانىڭ ايتۋىنشا, سولتٷستٸك ۆەستچەستەردەگٸ قالپىنا كەلتٸرۋ جەنە مەيٸربيكە ٸسٸ ورتالىعىندا تۇراتىن ەيەلدە COVID-19 دا انىقتالعان. العاش رەت ناۋرىزدا اۋرۋحاناعا كٸشٸگٸرٸم مەديتسينالىق پروتسەدۋرا ٷشٸن جەتكٸزٸلگەن كەزدە جۇقتىرعان. كەيٸن فريدمان تەست تەرٸس نەتيجە كٶرسەتپەيٸنشە بٸرنەشە اپتا ۆيرۋسپەن كٷرەسكەن.
العاشقى COVID-19 دياگنوزىنان التى اي ٶتكەن سوڭ, قارتتار ٷيٸنٸڭ تۇرعىندارى مەن قىزمەتكەرلەرٸ جاپپاي اۋىرىپ, ەيەل قايتادان ۆيرۋس جۇقتىرعان. ال 17 قاراشادا ساۋىعىپ شىققان.
"انام امان قالدى. ونىڭ كەزٸندە بالاسى دا تٷسٸپ قالعان, ٸشتەي قان كەتكەن, قاتەرلٸ ٸسٸكتٸ دە جەڭدٸ. ول "ادام" ەمەس. ونىڭ دنق-سى ەرەكشە", - دەيدٸ قىزى دجوان مەرولا اناسىنىڭ ٶمٸرگە دەگەن قۇشتارلىعىن اتاپ ٶتٸپ.
بۇعان دەيٸن 125 جاسىندا 400 نەمەرە مەن شٶبەرە ٶسٸرٸپ وتىرعان تٷركييا تۇرعىنى دا كوروناۆيرۋستى جەڭگەنٸ حابارلانعان بولاتىن.
