2017 jyldyń 29 qyrkúieginde Qazmedia ortalyǵynda Aqparat jáne kommýnikatsiialar ministri D. Abaevtyń jáne Qazaqstan halqy Assambleiasy tóraǵasynyń orynbasary D. Myńbaidyń qatysýymen «Qazaqstannyń 100 jańa esimi» jobasy boiynsha jumys toby men sarapshylyq toptyń kezekti otyrysy ótti. Sondai-aq, otyrysqa jobanyń uiymdastyrýshylary men qoǵam belsendileri de qatysty, dep dep habarlaidy "Ult aqparat".
Elbasy usynǵan Rýhani jańǵyrý baǵdarlamasynyń aiasyndaǵy bul joba - ónerimen, bilimimen, qoǵamǵa sińirgen eńbegimen erekshe qasietimen daralanǵan talantty azamattarymyzdy anyqtaityn aýqymdy joba. Jańa esimderdi anyqtaýda jurtshylyq ta joǵary belsendilik tanytty. Biylǵy jylǵy 7 maýsymnan bastap 15 qyrkúiekkke deiin elimizdiń túkpir-túkpirinen jobaǵa qatysýshylardan ótinishter qabyldandy. El.kz portalynda 2212 kandidattyń ótinimi tirkeldi. Qazirgi kúni olardy irikteý jumystary júrgizilip jatyr.
QHA Tóraǵasynyń orynbasary Darhan Myńbai jumys tobynyń alǵa qoiylǵan maqsat jolynda úlken is-sharalar atqarǵanyna rizashylyq bildire kelip, tirkelgen azamattardyń tabystylyǵynyń syry, olardyń júrgen joldary týraly «Uly Dalanyń jańa esimderi» degen atpen áleýmettik jelide de top qurylǵanyn aitty. Jalpy, onda tartylǵan adamdardyń sany 6 myńnan asyp ketipti. Qazir olardy qoldaý men talqylaýlar júrip jatyr. Sonymen qatar, 15 qyrkúiekte ótinimder qabyldaý aiaqtalyp, endi ári qarai jumystar ministrlikpen birlesip jasalady, dedi ol. D.Myńbai Assambleia qurylymdarynyń bul is-sharaǵa airyqsha belsendilikpen qatysqanyn atap ótti. Olardyń qatysýymen 520 adamnyń ómirbaiandary tirkelipti, al túsken usynystardyń sany 900-ge jýyq eken. Assambleialyqtar tizimge usynǵan kandidattardyń qatarynda ol mysalǵa, «Rodina» aýyldyq okrýginiń ákimi Bela Gazdievany atap, onyń óz jumysyn belsendilikpen atqaryp, úzdik usynystarymen kózge túsip júrgenin, sonymen qatar, 26 jasynda kandidattyq dissertatsiia qorǵaǵanyn jetkizdi. Sondai-aq, Shyǵys Qazaqstan oblysynyń 28 jasar turǵyny Qýanysh Jumabekov aǵylshyn tilin jeńil jolmen úirený oqýlyǵyn jasap, onyń úzdiktigin túrkiialyqtarǵa moiyndatyp, sol elde bastyrǵan jáne ózi birneshe tildi meńgergen poliglot, aýdarmashy, ǵalym eken. Buryn esimderi halyqqa belgisiz bolyp kelgen azamattarymyz kóp jáne olar qazaq pen orys arasynan ǵana emes, Qazaqstanda turatyn barlyq etnos ókilderi arasynan shyqqan, dedi ol.
Al «Astana qalasy teledidary» JShS bas direktory Lázzat Tanysbai jurtqa jańa kórsetilgen film siiaqty 10 derekti týyndy túsirilip, onyń bári efirden beriletinin jetkizdi. «Bizdiń qyzmetkerlerimiz bul jumystarǵa belsene kirisip, shyǵarmashylyq shabytpen jumys isteýde. Jańa esimderdiń kóbin bizdiń jýrnalisterimiz buryn bilmegen, endi olarmen etene tanysa kelgende ózderiniń tańyrqaýlaryn jasyra almaýda. Buryn biz kez kelgen salanyń jurtqa belgili adamdaryn ǵana kórsetip, maqtanysh etetin bolsaq, endi ónerleri men tabysty isteri halyqqa bilinbei kelgen talantty adamdardyń bizde óte kóp ekenine kóz jetkizip jatyrmyz», – dedi ol.
Ministr D. Abaev bolsa óz sózinde qatysýshylardy irikteýden bólek olardyń tabystarynyń tarihyn aqparat quraldarynda jan-jaqty kórsete bilý de asa mańyzdy ekenin atap ótti. «Sonda ǵana bul shara tárbielik ári ideologiialyq turǵydan óz jemisin bermek» - dedi ministr.
Aqparat jáne kommýnikatsiialar ministrligi bul baǵytty iske asyrý boiynsha júieli sharalardy qolǵa alǵan. Atap aitqanda, «100 jańa esim» atanýǵa úmitker azamattar týraly derekti filmder tsikli túsirilýde.
Otyryss sońynda qatysýshylar osy filmder arasynan «Astana» telearnasy túsirgen filmniń úzindisin tamashalady.
