kollaj: Tengrinews.kz
Túrkistan oblysynda beibereket kortej uiymdastyrǵandar jazalandy. Olar mektep bitirgenine 10 jyl tolýyn toilaǵan, - dep habarlaidy Tengrinews.kz.
Video áleýmettik jelide paida boldy. Kadrlardan kortejdegi birneshe kólik jolaýshylary terezeden basyn shyǵaryp otyrǵany kórinedi. Bul rette video avtorynyń aitýynsha, kortej basqa kólikterge kedergi jasaǵan.
Túrkistan oblysynyń politsiiasy málimetinshe, oqiǵa Almaty-Tashkent-Termez tasjolynda bolǵan.
"Joldyń 670-shaqyrymynda patrýldik politsiia qyzmetkerleri nazaryna birneshe kólik kortej uiymdastyryp, mektep bitirýshiler 10 jyldyǵyn toilap jatqany ilikti. Politsiia dereý jol erejesin buzyp, basqa kólikterdiń ótýine kedergi keltirgen kortejdi anyqtaýǵa kiristi. Videodaǵy Toyota Land Cruiser Prado jáne Toyota RAV4 markaly kólikter kimge tiesili ekeni jáne júrgizýshilerdiń jeke basy anyqtaldy. Olar Shymkent qalasynyń turǵyndary bolyp shyqty", - dedi Túrkistan oblysynyń PD baspasóz qyzmeti ókilderi.
Tártip saqshylarynyń aitýynsha, tártip buzǵandarmen túsindirý jumystary júrgizilgen.
Toyota RAV4 avtokóliginiń júrgizýshisine qatysty ÁQBtK-niń 614-baby "Kólik quraldarynyń júrýine kedergi keltirý" boiynsha ákimshilik hattama toltyrylǵan. Toyota Land Cruiser Prado avtokóliginiń júrgizýshisine 593-bap "Jol júrisi qaǵidalarynda kózdelgen jolaýshylardy jáne júkterdi tasymaldaý, qaýipsizdik beldikterin nemese motoshlemderdi paidalaný jónindegi talaptardy saqtamaý" boiynsha hattama toltyrylǵan.
"Politseiler videodaǵy taǵy birneshe júrgizýshini anyqtady. Olardy anyqtap, jaýapkershilikke tartý boiynsha jedel jumystar júrgizilip jatyr", - dep qosty oblystyq PD ókilderi.
